Mereke qarsańynda Almaty memlekettik sırk ujymy da ashyq aspan astynda kóńildi is-shara ótkizdi, dep habarlaıdy Almaty-akshamy.kz Almaty.tv-ge silteme jasap.
Ǵımarat aldyna sahna qurylyp, úlken gaborıtti qurylǵylarmen bezendirildi. Akrobattar qaýip pen qaterge toly trúkter istep, kópshiliktiń qoshemetine bólendi. Ujym ártisteri men sıqyrshylar óner kórsetip, kórermendi tańqaldyrdy. Kúldirgi saıqymazaqtar balalarmen oıyn oınap, kóńilin aýlady. Sırk ákimshiligi mundaı erekshe formattaǵy shoý almatylyqtarǵa alǵash ret usynylyp otyr deıdi.
«Aldaǵy ýaqytta qazan men qarashada «Sannyı shoý» dep atalatynqoıylymdy josparlap otyrmyz. Qala turǵyndaryn shaqyramyz. Óte joǵary deńgeıde jaqsy shoý bolady dep josparlap otyrmyz», – dedi Qazaq memlekettik sırkiniń dırektory Maqsat Jaıyqov.