Belgili akter, kınorejısser, Dosqan Joljaqsynov ta eldegi saıası ózgeristerge beıjaı qaramaı, óz oıyn ortaǵa salyp Prezıdent Joldaýlarynyń mazmunyna toqtalyp ótti.
2019 jyl... Prezıdent «Syndarly qoǵamdyq dıalog Qazaqstannyń turaqtylyǵy men órkendeýiniń negizi» dep oıyn bastady. 2020 jyl... «Jańa jaǵdaıdaǵy Qazaqstan – is pen qımyldyń kezeńi» dep uran tastady. 2021 jyly «Halyq birligi jáne júıeli reformalar – el órkendeýiniń berik negizi» dep oıyn jalǵastyrdy. Al 2022 jyldyń naýryzynda «Jańa Qazaqstan – jańarý men jańǵyrý joly» dep kórsetti. Osydan birneshe kún buryn, 2022 jyly qyrkúıekte «Ádiletti memleket – birtutas ult, berekeli qoǵam» dep úsh taǵandyq qaǵıdatty alǵa tartyp, halqyn ushpaqqa shaqyrdy. Memleket basshysy halyq jaǵynda, memleket jaǵynda ekenin kórsetti, - deıdi akter.
Tipti, kúni keshe ǵana elimizde ótken álemdik jáne dástúrli dinder basshylarynyń VII sezinde de ádiletti álem máselesi qozǵalǵanyn tilge tıek etti.
«Rım papasyn qarsy alǵan kezde Memleket basshysy «Siz bizdiń elge adamzattyq betburys kezinde keldińiz», dep parasatty oıyn aıtty. Bes joldaýdyń ishinde halqynyń búkil muń-muqtajy atqaryldy. Biraq sonyń ishinde eń sońǵy joldaýdyń ataýynyń ózi kóńilge úlken senim uıalatady.
«Ádiletti memleket – birtutas ult, berekeli qoǵam». Iakı, ádiletti memlekette turatyn birtutas ult berekeli qoǵamǵa kepil. Árıne, joldaýdyń ishinde shoqtyǵy bıik nebir sheshimder bar. Sonyń ishinde – halyq qorynan keleshek urpaqtarymyzǵa ashylatyn esepshot. Keshegi alpaýyttar pyshaq ústinen úlestirgen mıllıondaǵan gektar jer telimi memleketke qaıtaryldy. Qańtar oqıǵasy kezinde asa aýyr qylmys jasamaǵandarǵa keshirim», – deıdi D. Joljaqsynov.