Almaty máslıhatynyń VIII shaqyrylǵan depýtattarynyń kezekten tys XVI sesıasynda megapolıs ákimi Erbolat Dosaevtyń Uly Otan soǵysyndaǵy Jeńistiń 79 jyldyǵyna oraı UOS ardagerlerine birjolǵy tólem mólsherin 2 mıllıon teńgege deıin arttyrý týraly bastamasyn biraýyzdan qoldady.
Aıta keteıik, jyl saıyn Uly Otan soǵysyndaǵy Jeńis kúnine oraı ardagerlerge 1 mıllıon teńge kóleminde birjolǵy áleýmettik tólem tólenedi.
«Almaty qalasy ákiminiń tapsyrmasymen birjolǵy áleýmettik kómekti 1 mıllıon teńgege ulǵaıtý týraly sheshim qabyldaımyz. Bıyl ardagerler 2 mıllıon teńge kóleminde birjolǵy kómek ala alady», - dedi Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov.
Qazirgi tańda Almatyda 44 UOS ardageri turady.
Almaty qalasy máslıhatynyń jeke sheshimine sáıkes, 2023 jyly UOS-nyń 56 ardagerine 1 mıllıon teńge jáne qosymsha 500 myń teńge kóleminde áleýmettik kómek kórsetildi.
Tólem «Azamattarǵa arnalǵan úkimet» memlekettik korporasıasy» KEAQ-nyń Almaty qalasynyń aýdandyq ákimdikteri ekinshi deńgeıli bankterdegi shottaryna ótinishterdi talap etpeı, tizimge sáıkes beriledi.