Elimizdiń 5 óńirinde 5411 jer úı sý astynda qalyp otyr.
Tótenshe jaǵdaılar mınıstrligi Azamattyq qorǵanys jáne áskerı bólimder komıtetiniń aǵa ofıseri Erasyl Saıpash ortalyq komýnıkasıalar qyzmetinde ótken brıfıńide aıtty, dep habarlaıdy almaty-akshamy.kz.
«Osy saǵatta Aqtóbe, Qostanaı, Aqmola, Atyraý, Soltústik Qazaqstan oblystarynda 5 411 jeke turǵyn úı, 1 607 aýla aýmaǵy jáne 2 035 saıajaı úıleri sý astynda qalýda. 3 503 turǵyn úı men 2 157 aýla aýmaǵynan sý buryldy», - dedi TJM ofıseri.
Sondaı-aq, ol tasqyn aýmaǵyndaǵy turǵyndarǵa ýaqytsha panalaý ortalyqtarynan ruqsatsyz ketýge bolmaıtynyn eskertti.
«Aqtóbe, Qostanaı, Batys Qazaqstan, Aqmola, Qaraǵandy, Atyraý, Soltústik Qazaqstan jáne Ulytaý oblystarynda jergilikti aýqymdaǵy 36 tótenshe jaǵdaı rejımi áreket etedi.
Tótenshe jaǵdaılar mınıstrligi azamattardy asa muqıat bolýǵa, sý tasqyny kezeńinde qaýipsizdik sharalaryn múltiksiz saqtaýǵa, úılerden jáne evakýasıalaý pýnkterinen tıisti ruqsatsyz ketpeýge shaqyrady», - dedi Erasyl Saıpash.