Almatyda Qostanaı akademıasynyń basshylyǵy men QAJD qyzmetkerleri jeti myńǵa jýyq oqýshyǵa kásiptik baǵdar berdi, dep habarlaıdy aqshamnews.kz Polisia.kz-ke silteme jasap.
QR İshki İster mınıstriniń kásiptik baǵdar berý jumystaryn ótkizý boıynsha berilgen tapsyrmasyn júzege asyrý aıasynda Qostanaı akademıasy bastyǵynyń orynbasary Baqytjan Sadybekov, aǵa oqytýshy Madıar Qalqamanuly jáne doktorant G.Eleýsizova Almaty qalasy QAJD kadr basqarmasynyń bastyǵy A.Janamanova jáne aýdandyq probasıa qyzmetiniń basshylary Almaty qalasyndaǵy 104 mekteptiń oqýshylarymen kezdesý ótkizdi.
Kezdesýge qatysqan oqýshylar sany – 6888. Jıyn barysynda atalǵan mamandar oqýshylardy Qazaqstan Respýblıkasy İİM Shyraqbek Qabylbaev atyndaǵy Qostanaı akademıasyna oqýǵa túsý sharttarymen tanystyryp, olarǵa qujat qabyldaý tártibi men oqýǵa túsý kezeńderi týraly aqparattar berdi. Sonymen qatar oqýshylarǵa ishki ister organdarynda qyzmet ótkerýdiń jeńildikteri jáne jaýapkershilikteri túsindirilip, Qostanaı akademıasy týraly beınefılm kórsetildi. Kezdesý sońynda atalǵan akademıaǵa túsý sharttary jazylǵan býkletter taratyldy.