Ystyqtyń beti qaıtpaı tur. Ońtústik Eýropa óz tarıhyndaǵy eń ystyq aptany bastan ótkerip jatyr.
Aptap ystyqtan Soltústik Azıa men Soltústik Amerıka da zardap shegip jatyr, dep habarlaıdy Almaty-akshamy.kz QazAqparatqa silteme jasap.
Ońtústik Eýropa buryn-sońdy bolmaǵan ystyq kúnniń astynda qaldy. Ispanıada termometr baǵany tańnyń ózinde 30 Selsıı gradýsynan assa, túste 40-tan joǵary bolady. Ystyqtyń beti qaıtpaı turǵanyna birneshe kún boldy.
«Óte qıyn, sebebi sen ózińdi ystyqtan qorǵaı almaısyń. Sýyqta jyly jerge tyǵyla alasyń, al ystyqta qolyńnan eshteńe kelmeıdi», - deıdi turǵyndardyń biri.
Ispanıanyń birneshe óńiri ekstremal temperatýraǵa daıyndalyp otyr.
Ekstremal aýa raıy men klımat boıynsha maman Djon Nern bylaı deıdi:
«Jahandyq temperatýra qazir burynǵydan, 1980 jyldardaǵy El-Nınoǵa qaraǵanda joǵary. Iaǵnı, jahandyq úrdis ósip kele jatyr. Sol sebepti, biz «bári durys» dep aıta alamyz ba – bilmeımin. Kún raıy budan keıin jylı beredi».
Italıa «Haron» antısıklony saldarynan meteobaqylaý tarıhyndaǵy eń ystyq aptany bastap ótkerip jatyr. Appennınniń ondaǵan qalasynda, onyń ishinde astanasy Rımde jylý qaýpiniń qyzyl dárejesi engizildi.
Dúnıejúzilik meteorologıa uıymy Eýropada jańa temperatýralyq rekord tirkelip, ystyq 48,8 Selsıı gradýstan asady dep boljap otyr.
Óte joǵary temperatýralar Eýropamen qatar, Soltústik Amerıka jáne Soltústik Azıada da tirkelip jatyr. Tokıoda termometr baǵany 37 Selsıı gradýstan asty.