Almatyda polısıanyń biryńǵaı saptúzeýi ótti, – dep habarlaıdy almaty-akshamy.kz.
Almaty qalalyq PD bastyǵy Arystanǵanı Zapparovtyń qatysýymen PD avtokólik sharýashylyǵynda biriktirilgen polısıa jasaqtarynyń birtutas saptúzeýi ótti.
– Polısıaǵa Qazaqstan Respýblıkasy Prezıdentiniń, azamattardyń, ásirese balalardyń qaýipsizdigin qamtamasyz etý, olardyń konstıtýsıalyq quqyqtaryn qorǵaý, turmystyq zorlyq-zombylyqtyń aldyn alý, zańdylyq pen quqyqtyq tártipti qamtamasyz etý, jazataıym oqıǵalardyń sanyn azaıtý, halyqtyń saýattylyǵyn arttyrý, kóshi-qon baqylaýyn kúsheıtý, esirtki qylmysymen kúresý, sondaı-aq jeke quram arasyndaǵy tártip pen zańdylyq máseleleri jónindegi tapsyrmalaryn oryndaý mindeti tur. Sonymen qatar jergilikti polısıa qyzmetiniń sapasyn arttyrýǵa jáne alǵa qoıylǵan maqsattarǵa tıimdirek qol jetkizýge yqpal etetin qyzmettiń servıstik modeline kóshý boıynsha İshki ister mınıstrliginiń basym tujyrymdamalarynyń birin iske asyrýǵa erekshe nazar aýdarylýda. Qaladaǵy tártip pen azamattardyń amandyǵy polısıanyń qalaı jumys isteıtinine baılanysty. Tártip saqshylarynyń qoǵammen tyǵyz baılanysta bolýy óte mańyzdy. Al materıaldyq-tehnıkalyq baza men memlekettik áleýmettik qoldaý olardyń oqıǵalardan qalys qalmaı, qylmysqa qarsy turýyna múmkindik beredi, – dedi Arystanǵanı Zapparov.
Sondaı-aq polısıa departamentiniń basshysy, árbir polısıa qyzmetkeri azamattardyń qaýipsizdigi men ıgiligi úshin adal jáne rıasyz qyzmet atqarý kerektigine toqtaldy. Osy oraıda ol tártip saqshylaryna jeke quram arasynda qatań tártip pen zańdylyqty saqtaýdy taǵy da eske saldy. Sonymen qatar birtutas saptúzeý kezinde Almaty qalalyq PD basshylyǵy patrúldik polısıa avtoparkiniń jaǵdaıyn tekserdi.