Konstıtýsıalyq sotqa ótinishpen júginý quqyǵy Ata zańnyń 72-babynda bekitilgen.
Ótinishtiń 90 paıyzy zańnama talaptaryna saı jazylmaǵandyqtan, keri qaıtarylǵan, dep habarlaıdy Almaty-akshamy.kz
Konstıtýsıalyq sot tóraǵasy Elvıra Ázimovanyń tóraǵalyǵymen azamattardyń Konstıtýsıalyq sotqa joldaǵan ótinishterin qaraýǵa qatysty máseleler talqylandy.
«Búgingi tańda Konstıtýsıalyq sotqa azamattardan 500-den asa ótinish kelip tústi. Olardyń basym bóligi eki jyldan astam ýaqyt buryn kúshine engen qylmystyq sot úkimderiniń kúshin joıýǵa, tekserýge jáne qaıta qaraýǵa qatysty. Al zańǵa sáıkes, azamattyń ótinishi, eger ol sot aktisi qabyldanǵannan keıin bir jyldan keshiktirilmeıtin merzimde berilse ǵana qaraýǵa jatady», - dep habarlady Konstıtýsıalyq sottyń baspasóz qyzmeti.
Ótinishterdiń 60%-ten astamynda sottar konstıtýsıalyq normalarǵa qaıshy keletin daýly aktilerdi qoldanǵany ne azamattyń qatysýymen azamattyq nemese ákimshilik isterdegi quqyqtary men bostandyqtaryna tikeleı qatysty bolǵan naqty jaǵdaılar kórsetilmegen.
Sondaı-aq, birqatar ótinish zańdy tulǵalardyń atynan kelip túsken. Al azamattardyń zańdy ókilderi retinde zań konsýltanttary palatasynyń músheleri, advokattar, sondaı-aq zańmen, jarǵymen nemese erejemen osy uıym músheleriniń nemese basqa adamdardyń quqyqtary men múddelerin qorǵaý quqyǵy berilgen uıymdardyń ýákiletti tulǵalary ǵana ótinish bere alady.
Konstıtýsıalyq sot apparatynyń málimetinshe, ótinishterdiń 90%-ten astamy Konstıtýsıalyq zańnyń 41, 44, 45-baptarynyń talaptaryn saqtalmaı joldanǵan.
«Osyǵan baılanysty alǵashqy qaraý nátıjeleri boıynsha azamattar men uıymdar atynan ótinish berýshilerdiń atyna zańnamalyq talaptardy túsindire otyryp jáne anyqtalǵan zańbuzýshylyqtar joıylǵan jaǵdaıda qaıta júginý múmkindigi saqtalatynyn kórsetip, egjeı-tegjeıli jaýaptar joldanyp jatyr», - dep atap ótti Konstıtýsıalyq sot.
Elvıra Ázimova keri qaıtarylǵan ótinishterde kóterilgen problemalarǵa taldaý jasalatynyn aıtty.
Konstıtýsıalyq sotqa ótinish Elektrondy qujat aınalymynyń biryńǵaı júıesi, eGov jáne e-Otinish arqyly, sonymen qatar qaǵaz túrinde qabyldanady: Astana qalasy, Máńgilik el kóshesi, 13 mekenjaıy, hat-habarlardy qabyldaý pýnkti. Tel: 8(7172) 576398, 576340.