Bul sheshim ekijaqty qarym-qatynas jylnamasyna altyn árippen jazylary sózsiz
Búgin Aqordada Memleket basshysy Qasym-Jomart Toqaev Túrkıa Prezıdenti Rejep Taııp Erdoǵandy İ dárejeli «Dostyq» ordenimen marapattady, dep habarlaıdy Almaty-akshamy.kz QazAqparatqa silteme jasap.
«Qurmetti Prezıdent myrza! Siz qazaq-túrik qatynasyn turaqty damytýǵa ólsheýsiz úles qosyp kelesiz. Men osy saladaǵy aıryqsha tarıhı rólińizdi eskere otyryp, Sizdi İ dárejeli «Dostyq» ordenimen marapattaý týraly sheshim qabyldadym. Bul sheshim ekijaqty qarym-qatynas jylnamasyna altyn árippen jazylary sózsiz. Dostyǵymyzdy nyǵaıtyp, bereke-birligimizdi arttyra túsirý úshin bar kúsh jigerimdi jumsaýǵa daıynmyn», - dedi Qasym-Jomart Toqaev.