Jarnamalyq jabdyqty zańdy túrde ornatý úshin arnaıy ruqsat alý kerek.
Sońǵy ýaqytta qala joldarynda jarnamalyq qurylymdary, onyń ishinde elektrondy dıspleıi bar kólikter jıilep ketti, dep habarlaıdy aqshamnews.kz Polisia.kz-ke silteme jasap.
— Olardy ornatý — kólik quralynyń qurylymyn ózgertý, bul jol qaýipsizdigine áser etýi múmkin ekenin eske salamyz. Jarnamalyq jabdyqty zańdy túrde ornatý úshin arnaıy ruqsat alý kerek. Bul ózgeristerdiń qaýipsizdik talaptaryn buzbaıtynyn rastaý úshin aldyn ala tehnıkalyq baǵalaýdy qajet etedi. Sonymen qatar jarnama qurylymdary belgilengen standarttarǵa sáıkes kelýi kerek. Olar júrgizýshilerge kedergi keltirmeýi, jol qozǵalysyna qatysýshylardyń nazaryn aýdarmaýy nemese jol-kólik oqıǵasy kezinde qaýip tóndirmeýi kerek, - dedi Almaty qalalyq PD ákimshilik polısıa basqarmasynyń bastyǵy Asqat Qulbaev.
Qulbaev qoldanystaǵy zańnama talaptaryn buzǵany úshin QR ÁQBtK-niń 590-baby 5-bólimi jáne 590-baby 7-bólimine sáıkes jaýapkershilik qarastyrylǵanyn atap ótti.