Almaty qalasynyń esirtki qylmysyna qarsy kúres basqarmasynyń qyzmetkerleri ınternet arqyly tyıym salynǵan zattardy taratý isimen aınalysqan narkokýrerdi ustady.
Jedel is-sharalar barysynda kúdiktiden sıntetıkalyq esirtkiniń iri partıasy, sondaı-aq qaptamalar men elektrondy tarazylar tárkilendi, dep habarlaıdy aqshamnews.kz Polisia.kz-ke silteme jasap.
Onyń qylmystyq qyzmeti úshin syıaqyny krıptovalúta arqyly alǵany anyqtaldy. Atalǵan fakt boıynsha qylmystyq is qozǵalyp, saraptamalar taǵaıyndalyp, tergeý amaldary júrgizilip jatyr.
- Sıntetıkalyq esirtkiler qoǵamǵa, ásirese jastarǵa úlken qaýip tóndiredi. Biz olardyń taralýymen kúresti odan ári jalǵastyramyz jáne azamattardy mundaı oqıǵalar týraly dereý habarlaýǵa shaqyramyz. Tek birlesken kúsh-jigerimizben ǵana bolashaǵymyzdy osy qaýipten saqtaı alamyz, – dedi Almaty qalalyq polısıa departamentiniń esirtki qylmysyna qarsy kúres basqarmasynyń bastyǵy Murat Jumabaı.