Qazaqstan arab elderiniń týrıseri úshin Oraza aıt-2025 merekesi kezindegi tanymal baǵyttardyń qataryna endi. Ótken jyly bizdiń elimiz osy aımaqtaǵy tez damyp kele jatqan týrısik baǵyttardyń reıtıńin basqarǵan.
Khaleej Times zertteýi boıynsha BAÁ turǵyndarynyń 60%-y Oraza aıt merekesin atap ótý úshin shetelge saıahattaıdy jáne olardyń kóbi otbasylyq demalys úshin búdjettik vızasyz baǵyttardy tańdaıdy, dep habarlaıdy aqshamnews.kz.
Basylymda trendtik elderdiń qataryna Qazaqstanmen qatar Ázerbaıjan, Grýzıa, Ózbekstan, Qyrǵyzstan, Armenıa kirgeni atap ótilgen. Olardyń barlyǵy vızalyq rejımniń qolaılyǵymen erekshelenedi. Gulf times qysqa qashyqtyqqa saıahattaýdyń tanymaldyǵy arta túskenin kórsetedi.
Ásirese, ekspatrıanttar arasynda vızalyq jeńildikter usynatyn elderge barýǵa suranys kóbeıgen. Bul rette Qazaqstanǵa, Grýzıaǵa, Ázirbaıjanǵa, Egıpetke jáne Iordanıaǵa saparlar tanymal bola túsýde.
- Middle East Economic Oraza aıt-2025 merekesi kezinde barýǵa bolatyn 15 trendtik baǵytty belgiledi. Qazaqstannyń BAÁ týrıseri arasynda tanymaldyǵy mádenı mura men tabıǵı landshafttardyń alýan túrliligimen ǵana emes, sondaı-aq qoljetimdiligimen de túsindiriledi. "Qazaqstan - Ortalyq Azıadaǵy eń iri el, zamanaýı qalalardy, biregeı tabıǵı landshafttardy jáne baı mádenı murany biriktiredi. Elorda astanasy Báıterek monýmenti men Han Shatyrdy qosa alǵanda, fýtýrısik sáýletimen tań qaldyrady. Almaty óziniń jarqyn mádenıetimen, Medeý muz aıdyny men Shymbulaq taý kýrorty sıaqty kórikti jerlerimen tanymal. Tabıǵat súıer qaýym “qazaqstandyq grand-kanon” atalyp ketken Sharyn shatqalyn nemese janǵa tynyshtyqty syılaıtyn Kólsaı kólderin zertteı alady. “Altyn-Emel" ulttyq parkiniń jumbaq barqandary jáne Túrkistandaǵy Qoja Ahmet Iasaýı tarıhı kesenesi elge biregeılik qosyp, ony Oraza aıt 2025 merekesi kezinde barýǵa bolatyn eń jaqsy oryndardyń birine aınaldyrady,- dep kórsetilgen materıalda.
Aıta keteıik, Qazaqstanda týrızmge salynǵan ınvestısıa kólemi 20,3%-ǵa artty.