Qańtar oqıǵasy.
Kólik polıseıleri qańtar oqıǵasy kezinde Almatyda polısıa ǵımaratyna shabýyl jasaǵandardyń birin ustady, dep habarlaıdy Almaty-akshamy.kz QazAqparatqa silteme jasap.
QR İİM Kóliktegi polısıa departamentiniń bastyǵy Ońal Bekeevtiń málim etkenindeı, Almaty qalasynda turatyn Jambyl oblysynyń 24 jastaǵy týmasy qolǵa tústi.
Ony Almaty qalasynyń áýejaıynda qańtar aıyndaǵy oqıǵalar kezinde jasalǵan qylmystardy tergeýmen aınalysatyn Kóliktegi polısıa departamentiniń jedel tergeý toby beınebaqylaý kameralarynyń jazbalaryn zertteý nátıjesinde anyqtady.
«Kúdiktiniń 5 qańtarda tártipsizdikterge qatysýshylarmen birge qarý-jaraq dúkeninen qarý urlap, Almaty qalasynyń áýeajaıyna qarýly shabýyl jasaǵandyǵy belgili boldy. Sodan keıin sybaılastarymen birge Almaty qalasy polısıa departamentiniń ǵımaratyna baryp, ǵımaratty tańǵy saǵat 6-ǵa deıin qorshaýda ustaýǵa qatysqan», dedi polısıa general-maıory.
Budan soń ol urlanǵan qarýdy belgisiz bireýge satyp jibergen.
«Qazir kúdiktige qatysty kúzetpen ustaý túrindegi bultartpaý sharasy sanksıalandy. Tergeý amaldary júrgizilýde», dedi Ońal Bekeev.
