Psıholog jaıaý júrýdiń qandaı paıdasy bar ekenin aıtty
Júrý adam aǵzasyna shyǵarmashylyq pen logıka arasyndaǵy tepe-teńdikti tabýǵa kómektesedi. Mamannyń aıtýynsha, ol úshin kúnine 30 mınýttan serýendeý kerek. Sonymen qatar, birneshe shartty oryndaý qajet, dep habarlaıdy Almaty-akshamy.kz REN-tv saıtyna silteme jasap.
«Jaıaý júrgen kezde deneniń barlyq bulshyq etteri nyǵaıa túsedi, bulshyq etterdiń barlyq toptary jumys isteıdi. Jaıaý júrý kezinde jarty sharlar baılanysynyń teńeletini baıqalady, ıaǵnı oń jáne sol jarty sharlar óte durys balansqa túsedi jáne shyǵarmashylyq jarty shar men konstrýktıvti oılaý, logıka men shyǵarmashylyq arasyndaǵy baılanys dál osyndaı jaqsy deńgeıde bolady», - dedi Vashenkova.
Psıholog jaıaý júrgen kezde qulaqty jappaý kerektigin naqtylady. Iaǵnı serýendegen kezde mýzyka nemese aýdıokitap tyńdaýdy keıinge qoıa turǵan jón. Sonymen qatar, sóılespegen de durys. Eń jaqsysy, jaıaý júrgen kezde alǵa, ıaǵnı kókjıekke qaraý kerek.
«Siz mıdyń óte jaqsy aımaqtaryn, ejelgi qabyqty belsendi ete túsesiz. Shyn máninde, ejelgi adam tek alǵa umytylyp, kókjıek syzyǵyna qaraǵan. Ol alǵa umtylǵan kezde, ózin qaýipsiz sezinedi jáne onyń resýrsy bar. Iaǵnı, ol osylaı alǵa qaraı umtylady, alǵa basady. Sózdiń jaqsy maǵynasynda adam kúshti ári tynysh jaǵdaıǵa tap bolady», - dep qorytyndylady sarapshy.