Almatyda polıseıler turǵynnyń ómirin saqtap qaldy.
Patrúldik polısıa qyzmetkerleri 14-qabattaǵy páterdiń terezesinen sekirip ketpek bolǵan 32 jastaǵy er adamnyń ómirin saqtap qaldy, dep habarlaıdy aqshamnews.kz Polisia.kz-ke silteme jasap.
"Saǵat 22:40-ta belgisiz bireýdiń kópqabatty úıden sekirmek bolǵany týraly qońyraý kelip tústi. Oqıǵa ornyna birden eki ekıpaj “Býran-138” jáne “Býran-160” bardy. Aqparat rastaldy. Kondısıoner bóliminde ózin-ózi óltiremin dep qorqytqan er adam otyrǵan. Polısıa aǵa leıtenanty Nurjan Toǵanbaev kórshi páterdiń terezesinen kelissóz júrgizdi. Osy kezde TJ qyzmetkerleriniń kómegimen áriptesterim Aıdos Sarqulov pen Aıbar Baıjigitov úsheýmiz esikti buzdyq, sosyn qarańǵyda jaryqty qospaı, terezeniń syrtyndaǵy er adamnyń janyna keldik. Birneshe sekýndta biz ony qatty ustap alyp, páterge súırep kirgizdik", - dedi Almaty qalasy PD JPQB patrúldik polısıa polkiniń ınspektory Rýstam Qadyrbaev.
Terezeden sekirmekshi bolǵan adam turǵyn úı kesheniniń turǵyny bolyp shyqty. Onyń birneshe kún boıy táýliktik jaldamaly páterde turǵany belgili boldy. Bir nusqa boıynsha, er adam esirtkige mas bolǵan. jedel járdem brıgadasy oǵan alǵashqy medısınalyq kómek kórsetti. Basqa da mán-jaılardy Bostandyq aýdandyq polısıa basqarmasynyń qyzmetkerleri anyqtap jatyr.