Ótken jyldyń qorytyndysy boıynsha Almatyda 73,9 myń jumys orny quryldy. Olardyń 61,5 myńy turaqty ekenin atap ótý mańyzdy, dep habarlaıdy aqshamnews.kz
Qala ákimdiginiń jumysyndaǵy mańyzdy basymdyq almatylyqtardyń ál-aýqatyn arttyrý bolyp tabylady. Ótken jyldyń 9 aıynda aǵymdaǵy ınflásıany eskere otyryp, Almatyda ortasha aılyq jalaqy naqty mánde 6,1% - ǵa ósip, 470 myń teńgeni qurady.
Ótken jyly 73,9 myń jumys orny quryldy. Qurylǵan jumys oryndarynyń 83,2% - y turaqty. Nátıjesinde Almatyda jumyssyzdyq deńgeıi 2024 jyldyń úshinshi toqsanynda 4,6% - ǵa deıin tómendedi.
Óńdeý ónerkásibi - qala ekonomıkasyn ártaraptandyrýdyń negizgi faktory. Almaty ındýstrıaldy aımaqta 485 mlrd teńge somasyna 67 joba iske asyrylýda, munda 11,6 myń jumys orny quryldy. 2025 jyly 2,7 myń jumys ornyn qurýmen 197 mlrd teńgege 15 jobany iske qosý josparlanýda. «ITP» AEA-da 220 jumys ornyn qurýmen 31 mlrd teńgege 13 joba iske asyrylýda. Bıyl 10 mlrd teńgege 5 joba paıdalanýǵa beriledi dep kútilýde, bul 361 jumys ornyn qamtamasyz etedi.
Megapolıste jyldyq ınflásıa 7,5%- ǵa deıin tómendeıdi dep boljanýda.