Almatyda ótken pikirsaıys týrnıri elimizdiń ár óńirinen kelgen talantty jastardyń basyn qosty. Buǵan deıin de respýblıka kólemine tanymal pikirsaıys básekesi TEO CUP bıyl XIV kezegin ótkizgen bolatyn, dep habarlaıdy aqshamnews.kz
Sáýirdiń 5-6 jańasynda qalamyzda ótken is-shara el aýmaǵynda ıntellektýaldyq pikirtalas pen bilimge degen suranysty arttyrdy, al jeńimpazdar aqshalaı syılyqtar marapattaldy.
Týrnırge Almaty jáne Astana qalalarynyń jastarynan bólek, Almaty obylysynan, Taraz, Shymkent, Aqtóbe, Qaraǵandy, Atyraý jáne Semeı qalalarynan kelgen pikirsaıysshylar qatysty. Týrnır alańynda 92 komanda, 184 qatysýshy baq synap, óz bilimderin, sheshendik sheberlikterin jáne synı oılaý qabiletterin kórsetti.
İs-sharanyń joǵary deńgeıde ótýine Narhoz Ýnıversıteti, QAZAQ_DEBATE uıymy, Shapan Nur, Ideal Ustaz, Keremet Food, Degusto Coffee jáne Voucher syndy demeýshiler atsalysqan. Jastardyń ıntellektýaldy jarysyna qoldaý kórsetkender arasynda «Kaıdzen» baspasynyń jetekshisi Ǵanı Baıǵalıuly syndy qoldaýshylar da boldy.
TEO CUP XIV jeńimpazdary men syılyqtar:
Álfa lıgasy jeńimpazdary:
1. Han Táńiri — 300 000 teńge, Ýmra saparyna 2 sertıfıkat
2. Masaget — 200 000 teńge, «Shapan Nur» brendine 20% jeńildik, «Kaıdzen» kitaby (2 dana)
3. Old School jáne Ádiletti Qazaqstan — 100 000 teńge (árqaısysy), «Shapan Nur» brendine 10% jeńildik, «Kaıdzen» kitaby (4 dana)
Betta lıgasy jeńimpazdary:
1. Alasapyran — 100 000 teńge, Túrkıa saparyna 2 sertıfıkat
2. Veni Vidi Vici — 60 000 teńge, «Shapan Nur» brendine 10% jeńildik, «Kaıdzen» kitaby (2 dana)
3. Irına Kaıratovna jáne Dragonlore — 30 000 teńge (árqaısysy), «Shapan Nur» brendine 10% jeńildik
Jeke nomınasıalar:
· Eń úzdik spıker — Álibek Sandybek (80 000 teńge)
· Úzdik spıker — Azamat Arynov (40 000 teńge)
«Mıllıon kimge buıyrady?» ıntellektýaldyq oıyny
TEO CUP XIV aıasynda uıymdastyrylǵan taǵy bir erekshe shara — «Mıllıon kimge buıyrady?» atty ıntellektýaldyq oıyny boldy. Qatysýshylar logıka, erýdısıa jáne jyldam oılaý qabiletteri boıynsha synalyp, tartysty oıyn nátıjesinde Saparǵalı Batyrjan jeńimpaz atandy.
Oǵan Túrkıaǵa joldama tabystaldy. Bul jeńis – onyń tereń bilimi men zerektiginiń dáleli.