21 qyrkúıek kúni saǵat 06:00 bastap 22 qyrkúıektiń saǵat 14:00 deıin Almaty qalasynyń Jetisý aýdanynda avtokólikterdiń qozǵalysy Pavlodarskaıa kóshesiniń boıymen №136 úıden bastap Maqataev kóshesine deıin shekteledi. Qozǵalys eki jaqqa qaraı jabylady.
Ýaqytsha shekteýler jalpy uzaqtyǵy 2 135 metrdi quraıtyn qubyrjoldy aýystyrý boıynsha jańǵyrtý júrgizilgen joldyń asfált-beton jabynyn qalpyna keltirý úshin engiziledi. Bul qubyrjol 344 kóppáterli turǵyn úıdi, 11 bilim berý obektisin, 3 densaýlyq saqtaý obektisin jáne 483 basqa obektini jylýmen jáne ystyq sýmen qamtamasyz etedi.
Eske salamyz, qozǵalystardy shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdandyq ákimdikter men basqarmalardyń áleýmettik jelilerinde, sondaı-aq «2GIS» jáne «Iandeks kartalar» servısterinde ornalastyrylǵan.
Ýaqytsha qolaısyzdyqtar úshin keshirim ótinemiz jáne kórsetilgen ýchaskeni aınalyp ótý joldaryn aldyn ala qarastyrýdy suraımyz.
«Almaty jylý júıesi» JSHS