Mektep basshylyǵy balalardyń qandaı oıyn oınaıtynyn baqylaýǵa keńes berdi.
Olar mazmuny ata-analarǵa kórine bermeıtin, mobıldi qosymshalarda jasyrylǵan shaǵyn oıyndar bolýy múmkin, dep habarlaıdy aqshamnews.kz
"Máselen, Telegram jáne TikTok áleýmettik jelilerinen "Bizben oına!” degen shaqyrtýlar kelýi yqtımal. Mundaı úndeýlerdi Ozon-da satylatyn 18+ kitaptardan da tabýǵa bolady. Bulardyń eń qaýiptisi: "Tıhıı dom", "Razbýdı mená v 4:20", "More kıtov", "Sınıı kıt", "Krasnyı delfın ", "Mlechnyı pýt", "U19", "F57", " SchoolBoy RunaWay -Stealth", - delingen habarlamada.
Sondaı-aq mektep basshylyǵy balalardyń qandaı oıyn oınaıtynyn baqylaýǵa keńes berdi:
Kontentti baqylaýǵa alý. Balańyz oınaıtyn oıyndy tekserińiz. Balanyń jasyna saı keletinin anyqtaý úshin reıntıngin qarap, sholý jasańyz;
Ereje ornatyńyz. Balańyzben qaı oıyndy oınaýǵa bolmaıtynyn talqylańyz. Oıynǵa shekten tys berilmeýi úshin ýaqytpen shekteý qoıyńyz;
Synı oılaýyn damytyńyz. Balany oıyn mazmunyn taldaýǵa úıretińiz. Oıynda kórsetilgenniń bári shynaıy ómirde bolmaıtynyn jáne qaýipsiz emes ekenin túsindirińiz;
Birge oınańyz. Bul olardyń qandaı oıyn oınaıtynyn jaqsy túsinýge jáne qaýiptiń aldyn alýǵa kómektesedi;
Minez-qulqyna mán berińiz. Balańyz oıynnan soń ashýshań ári tuıyq bola bastasa, oınap júrgen oıyndaryn aýystyryńyz;
Ata-ana baqylaýyn qoldanyńyz. Qajetsiz ári orynsyz oıyndar men kontentke telefondaǵy ata-ana baqylaýyn ornatyńyz;
Basqa balalardyń ata-anasymen talqylańyz. Olar qandaı oıyndardy qaýipsiz dep sanaıdy, sony bilińiz.