Almaty qalasy Jumyspen qamtý jáne áleýmettik baǵdarlamalar basqarmasyna qarasty "Parasat" áleýmettik qyzmet ortalyǵynyń jańa ǵımaratty saltanatty túrde ashyldy. Jańa ǵımarattyń aýdany - aýdany 1751,6 sharshy metr.
Ortalyq múgedektigi bar, psıhonevrologıalyq aýrýlary bar jáne tirek-qımyl apparaty buzylǵan balalar men eresekterge áleýmettik qyzmet kórsetedi. Ortalyq bir ýaqytta 60-70 adamdy qabyldaı alady.
Jańa ǵımaratta qyzmet alýshylar úshin arnaıy kabınetter ashylǵan. Olar: balshyqpen jumys arqyly ońaltý úshin shyǵarmashylyq sheberlik kabıneti, atpen júrý arqyly ońaltý úshin ıppoterapıa trenajeri ornatylǵan kabınet, kompúterlik saýattylyq qyzmetterin alýshylar men balalardy oqytýǵa arnalǵan kompúterlik synyp jáne qyzmet alýshylarǵa kútim jasaý úshin shashtaraz bólmesi jáne t.b.
- Áýezov aýdany “Jetisý” shaǵyn aýdanynda “Parasat” ortalyǵy ashyldy. Bul ǵımarat kúrdeli jóndeýden ótip, zamanaýı talaptarǵa saı qural-jabdyqpen jabdyqtaldy. Munda arnaıy qyzmetti qajet etetin balalarǵa qyzmet kórsetiledi. Jalpy bizdiń basqarmanyń qaramaǵynda osyndaı 14 ortalyq bar, olar qalanyń ár aýdanynda shoǵyrlanǵan. Biz mundaı ortalyqtardyń qoljetimdiligin arttyryp, ınfraqurylym jańartý boıynsha jumystardy jalǵastyramyz, - dedi Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov.
