Almatynyń Balalar shuǵyl medısınalyq kómek ortalyǵynyń dárigerleri qańtar jáne aqpan aıynda usaq magnıtterdi jutyp qoıǵan eki balaǵa shuǵyl ota jasady.
Eki jaǵdaıda da pasıentterdiń jaǵdaıy qys mezgilinde boldy. Ýaqytyly kórsetilgen hırýrgıalyq kómekten keıin dárigerler olardyń ómirin saqtap qaldy, dep habarlaıdy aqshamnews.kz.
Bul oqıǵalar ata-analardyń balalarǵa oıynshyq alyp bererde muqıat bolýy qajet ekenin taǵy da dáleldeıdi.
Birinshi jaǵdaıda 2 jastaǵy balanyń isheginde 13 magnıttiń turyp qalǵany anyqtaldy.
4 qańtarǵa qaraǵan túni eki jasar bala ishiniń qatty aýyrsynýyna shaǵymdanyp, Balalarǵa jedel medısınalyq kómek kórsetý ortalyǵynyń qabyldaý bólimine tústi. Ata-analar balanyń jaǵdaıynyń nasharlaǵanyn baıqap, ony shuǵyl túrde aýrýhanaǵa jetkizdi.
«Naýqastyń aýrýhanaǵa túsken kezdegi jaǵdaıy aýyr dep baǵalandy. Biz jedel tómen ishek ótimsizdigin, perıtonıt jáne ınfeksıalyq-ýytty shokty anyqtadyq. Oǵan jutylǵan magnıttik konstrýktor sebep boldy. Balanyń isheginen 13 usaq magnıt anyqtaldy", - dedi qabyldaý bóliminiń jaýapty hırýrgi Azat Mamyrasyl.
Medısınalyq kómekti keshiktirý qaıtymsyz saldarǵa ákelýi múmkin ekenin túsingen dárigerler shuǵyl hırýrgıalyq operasıa jasady.
«Biz ortańǵy laparotomıa jasap barlyq 13 magnıtti ash ishekten shyǵardyq. Operasıadan keıin bala reanımatologtardyń baqylaýymen qarqyndy terapıa bóliminde biraz ýaqyt boldy. Sodan keıin ol beıindik bólimge aýystyryldy, al bir aptadan keıin úıine shyǵaryldy», - dedi hırýrg.
Ekinshi jaǵdaıda, 7 jastaǵy bala ishki aǵzasyndaǵy magnıt oıynshyqtarmen 9 kún boıy júrgen.
Týra bir aıdan keıin, 4 aqpanda BSHMJO-ǵa magnıt jutqan taǵy bir bala tústi. Alaıda 7 jastaǵy balanyń ata-anasy medısınalyq kómekke birden júginbegen.
«Aýrý tarıhyna sáıkes, bala 27 qańtardan bastap aýyrǵan. Ata-anasy balasynyń jaǵdaıy nasharlaǵannan keıin jeke klınıkaǵa aparǵan. Ol jerde rentgenge túsirilip, isheginde bógde zattyń baryn anyqtaǵan. Dárigerler aýrýhanaǵa júginý qajet ekenin eskertken, biraq ata-anasy balanyń jaǵdaıyn óz baqylaýlaryna alǵan», - dedi Azat Mamyrasyl.
Alaıda, kún ótken saıyn balanyń hali nasharlaı túsedi. 4 aqpanda balanyń ishi qatty aýyryp, álsizdik paıda bolyp kúnine 15 retke deıin qusqan. Tek osy kezde ǵana onyń jaqyndary jedel járdem brıgadasyn shaqyryp, shuǵyl túrde balalarǵa jedel medısınalyq járdem kórsetý ortalyǵyna alyp kelgen.
«Dıagnoz - jedel tómen ishek ótimsizdigi jáne asqazan-ishek jolyndaǵy bógde zat. Bizge eki kúrdeli operasıa jasaý kerek boldy. Biri medıanalyq laparotomıa, ishek ótimsizdigin joıý, 13 magnıtti alyp tastaý, juqa anastomozdy qoldaný, sanasıa, transanaldy ıntýbasıa jáne ish qýysyn drenajdaý», - dep túsindirdi hırýrg.
Qýanyshqa oraı, aýrýhanaǵa jatqyzý uzaq ýaqytqa sozylǵanyna qaramastan, dárigerler balany qutqara aldy. Qazir ol tolyq saýyǵyp, aýrýhanadan shyǵaryldy.
Dáriger Azat Mamyrasyluly bilikti medısınalyq kómekke júginýdi keshiktirmeýge keńes beredi. Bógde denelerdi jutý, eń aldymen, ishektiń perforasıasyna nemese perıtonıtke qaýip tóndiredi. Keshendi zertteý nátıjeleri boıynsha dál dıagnoz qoıýǵa jáne ýaqtyly kómek kórsetýge bolady. Sonymen qatar ish qýysynyń rentgenografıasy, KT nemese MRT jasalady. Ókinishke qaraı, álemdik tájirıbe kórsetkendeı, ata-analardyń nemquraılylyǵyna baılanysty dárigerler ýaqytyly kómek kórsete almaı jatady.