Óńirlik komýnıkasıalar qyzmetiniń alańynda Almaty kásipkerler palatasynyń dırektory Aıtýar Qoshmambetov birqatar máselelerdi túsindirdi, dep habarlaıdy Almaty-akshamy.kz
A. Qoshmambetov endi nysandarda Ashyq qoldaný mindetti emestigin jáne bıznestiń óziniń sheshimi boıynsha erikti túrde júzege asyrylýy múmkin ekenin habarlady. Biraq bólmelerdegi maska taǵý rejımin eshkim joıǵan joq.
Spıker atap ótkendeı, Almatyda shekteý sharalary kezinde Ashyq jobasyna 24 myńnan astam bıznes sýbektileri qatysty.
«Ashyq koronavırýstyń taralýyn boldyrmaý jáne bıznes qaýymdastyǵyn qoldaý maqsatynda engizildi. Epıdemıologıalyq ahýaldyń jaqsarýyna baılanysty Koronavırýstyq ınfeksıanyń taralýyna jol bermeý jónindegi vedomstvoaralyq komısıa shekteý sharalaryn jeńildetý týraly sheshim qabyldady», - dedi A.Qoshmambetov.
Ol elimizdiń bas sanıtarlyq dárigeriniń aǵymdaǵy jylǵy 14 naýryzdaǵy qaýlysyna sáıkes, epıdemıologıalyq qaýip-qaterdiń «sary» jáne «jasyl» aımaqtaryndaǵy Ashyq jobasynyń qatysýshylary óz qyzmetin shekteýsiz júzege asyratynyn atap ótti. Qazirgi ýaqytta Almaty «jasyl» aımaqta ornalasqan.
«Qyzyl aımaqta ornalasqan aımaqtardaǵy Ashyq qatysýshylary óz qyzmetin obektilerdiń tolýy boıynsha shekteýlermen júzege asyra alady. Budan basqa, bıznes ókili vaksınalanǵan qyzmetkerler men kelýshilerge qoıylatyn talaptardy engizý qajet pe, joq pa, sony ózi sheshedi», - dep atap ótti Almaty qalasy kásipkerler palatasynyń dırektory.
Aıtýar Qoshmambetovtiń aıtýynsha, kóptegen azamattar betperde rejımine qatysty tarmaqty qate qabyldaǵan. Jabyq jerlerde jáne qoǵamdyq kólikterde maska rejımi áli de mindetti bolyp tabylady, sondyqtan osy talaptardy saqtaýdy jalǵastyrý qajet.
Bulardan basqa, eldiń bas sanıtarlyq dárigeriniń qaýlysymen: kúndizgi rejımde (qyzmet kórsetý obektileri) COVID-19-ǵa qarsy vaksınasıa almaǵan qyzmetkerlerdi jumysqa jiberýge shekteýler, sondaı-aq vahtalyq ádispen jumys isteıtin uıymdardyń qyzmetkerleri úshin vahtaǵa kirý jáne shyǵý kezinde PTR ádisimen mindetti zerthanalyq testileý alynyp tastaldy.
Aıtýar Qoshmambetov bas sanıtarlyq dárigerdiń qaýlysynyń qosymshasynda «qyzyl» mártebesi bar kelýshilerdi anyqtaý sharalary kórsetilgenin aıtty.