Bul týraly Almaty Óńirlik komýnıkasıalar qyzmetiniń brıfıńinde qalalyq sanıtarlyq-epıdemıologıalyq baqylaý departamenti basshysynyń orynbasary Ásel Qalyqova málimdedi. Ol Almatyda derttiń turaqty tómendegenin atap ótti, dep habarlaıdy Almaty-akshamy.kz
«Almaty, Qazaqstannyń basqa óńirleri sıaqty, epıdemıologıalyq ahýaldy baǵalaý matrısasynyń «jasyl» aımaǵynda ornalasqan. Juqtyrý jaǵdaılarynyń táýliktik tirkelýi tómendedi. Ótken táýlikte KVI-diń 15 jaǵdaıy tirkeldi, biraq bul demalýǵa jáne karantındik sharalardy elemeýge sebep bolmaıdy. Barlyǵyn jabyq bólmelerde maska rejımin saqtaýǵa shaqyramyn, sebebi bul talap mindetti bolyp qala beredi», - dedi Á. Qalyqova.
Spıker atap ótkendeı, syrqattanýshylyq kórsetkishiniń tómendeýi qaladaǵy qoldanystaǵy shekteýlerdi, sonyń ishinde Ashyq jobasy boıynsha shekteýlerdi jeńildetýge múmkindik berdi.
Ásel Qalyqova qala turǵyndary úshin KVI-den vaksınasıalaý jáne qaıta vaksınasıalaý áli de mańyzdy ekenin atap ótti. Imýndyq qabatqa keminde 75-85% jetý kerek.
«Búginde vaksınalyq profılaktıka juqpaly jáne parazıttik aýrýlarǵa, sonyń ishinde koronavırýsqa qarsy negizgi qorǵanys sharasy bolyp tabylady», - dep atap ótti SEBD basshysynyń orynbasary.
Epıdemıolog revaksınalanýdy keshiktirmeý, maska rejımin saqtaý, dezınfeksıany júrgizý jáne áleýmettik qashyqtyqty saqtaý mańyzdy ekenin atap ótti.