Aqparat jáne qoǵamdyq damý mınıstri barlyq BAQ-ty zańdy talqylaýǵa shaqyrdy.
Mınıstrdiń aıtýynsha, zańǵa engiziletin ózgerister keńinen talqylanady, dep habarlaıdy Almaty-akshamy.kz
«Memleket basshysy atap ótkendeı, ashyq aqparat keńistigi men básekege qabiletti otandyq buqaralyq aqparat quraldaryn qurýǵa erekshe nazar aýdarý qajet. Búginde mınıstrliktiń aldynda aqparat quraldarynyń rólin, mártebesin jáne jaýapkershiligin nyǵaıtý boıynsha birqatar mindet tur. Osyǵan baılanysty, birinshiden, qoǵam suranystary men memlekettiń múddelerin eskere otyryp, buqaralyq aqparat quraldary týraly zań qaıta qaralatyn bolady», - dedi Asqar Omarov úkimettiń búgingi otyrysynda.
Mınıstrdiń aıtýynsha, zańǵa engiziletin ózgerister keńinen talqylanady. Jýrnalıserdiń pikiri eskeriledi. Al zańdy ózgertkennen keıin naqty nátıjeler bolýy kerek.
«Azamattyq baqylaýdy júzege asyratyn tórtinshi bılik retinde áreket etetin buqaralyq aqparat quraldary úshin ashyq básekelestik orta damıtyn bolady. Memlekettik aqparattyq jumys boıynsha jańa tásilder ázirlenedi», - dep atap kórsetti Omarov.