“Integrity Check” tekserisi neni kórsetedi?
Almaty qalalyq polısıa departamentiniń basshysy halyq aldyndaǵy esep berý kezdesýinde osy jaıynda da sóz qozǵady, dep habarlaıdy Almaty-akshamy.kz Polisia.kz-ke silteme jasap.
«Memleket basshysy 2022-2026 jyldarǵa arnalǵan sybaılas jemqorlyqqa qarsy saıasat Tujyrymdamasyn bekitti, ony júzege asyrý úshin quqyq qorǵaý organdarynda adaldyqty tekserý mehanızmi nemese “Integrity Check” engizildi. İshki ister mınıstriniń nusqaýymen İİM ortalyq apparatynyń qyzmetkerleri bizdiń Almaty polısıasynda da adaldyqqa, qarym-qatynastaǵy ádeptilikke jáne azamattardyń ótinishterine jedel den qoıýǵa tekserý júrgizdi. Tájirıbe kórsetkendeı, jumystyń bul túri jáne azamattarmen qarym-qatynasta egjeı-tegjeıge nazar aýdarý jeke quramdy tártipke keltirip qana qoımaıdy, sonymen qatar profılaktıkalyq áser kórsetedi jáne qyzmetkerlerimizdiń jaýapkershiligin arttyrady. Aıta keteıin, ıá, biz “óte jaqsy” degen baǵa almadyq, biraq bul synaqtan óttik. “Kósh júre túzeledi”, – demekshi biz úshin eń obektıvti baǵa – bul qoǵam bergen baǵa», – dedi, Arystanǵanı Zapparov.
Sondaı-aq ol sıfrlandyrý aıasynda qalanyń aýdandary boıynsha taldaý baǵdarlamasy ázirlengenin, ol aýmaqtyq bólimshelerdiń árbir basshysyna qylmys deńgeıin ǵana emes, sonymen qatar quqyq qorǵaý qyzmetine qatysatyn árbir patrúldi