Sondaı-aq, bıyldan bastap baıqaýdy ótkizý merzimi de ózgeredi.
Oqý-aǵartý mınıstrligi «Úzdik pedagog» ataǵyn berý qaǵıdalaryna ózgerister engizip, atalǵan baıqaýǵa jekemenshik mektep pedagogterin de qatystyrýdy josparlap otyr. Bul týraly Ashyq NQA portalynda jarıalanǵan qujat jobasynan belgili boldy Almaty-akshamy.kz.
Osy «Úzdik pedagog» ataǵyn berý qaǵıdalary ótkizilgen konkýrstyń qorytyndysy boıynsha, menshik nysanyna jáne vedimistik baǵynystylyǵyna qaramastan, bilim berý uıymdarynyń pedagogterine «Úzdik pedagog» ataǵyn berý tártibin aıqyndaıdy, - delingen qujat jobasynda.
Sondaı-aq, 25 qazan – Respýblıka kúni jáne 5 qazan – Muǵalim kúni bolyp bekitilýine baılanysty «Úzdik pedagog» baıqaýyn ótkizý merzimi de ózgeriske ushyraıdy. Atap aıtqanda, buryn baıqaýdyń birinshi jáne ekinshi kezeńderi qyrkúıek pen qazan aılarynda ótkiziletin bolsa, endi data sáıkesinshe mamyr jáne tamyz aılaryna aýystyrylady.
Al jeńimpazdar anyqtalatyn baıqaýdyń qorytyndy úshinshi kezeńi qyrkúıek aıyna belgilengen.
Baıqaýǵa jekemenshik mektep muǵalimderiniń de qatysatynyna baılanysty baıqaýdyń birinshi kezeńinen ekinshisine ótetin muǵalimder sany 5-ten 10-ǵa artpaq. Bul rette úmitker birinshi synaqta 100 baldyń keminde 80 balyn jınaýy tıis.
Baıqaýdyń ózge sharttarymen osy jerden tanysa alasyzdar.