Almatyda semserlesýden Qazaqstan chempıonaty aıaqtaldy.
Týrnırdiń sońǵy medaldary semser qarýymen aıqasýda sarapqa salyndy, dep habarlaıdy aqshamnews.kz UOK-ke silteme jasap.
Erler arasynda Shyǵys Qazaqstan oblysynyń sportshysy Vadım Sharlaımov jeńiske jetti. Kúmis júldeni Shymkent qalasynyń ókili Elmır Álimjanov enshiledi. Qola medaldardy Shymkentten Ǵabıden Mustafın men Astanadan Aleksandr Fedotov ıelendi.
Áıelder arasyndaǵy jarysta Almaty qalasynyń sportshysy Sofıa Nıkolaıchýk top jardy. Kúmis júlde Polına Lısovskaıaǵa buıyrsa, Sofıa Aktaeva men Ýlána Pısova úshinshi orynǵa turaqtady. Barlyq sportshy Almatynyń atynan óner kórsetti.
Jarystyń jalpy komandalyq esebi boıynsha birinshi oryndy Almaty quramasy ıelendi. Ekinshi oryn — Shymkentke, al úshinshi oryn — Qaraǵandy oblysyna buıyrdy.