Aqpannyń 3-inde Qaterli isikke qarsy kún aıasynda Almaty onkologıalyq ortalyǵy men qalanyń 9 emhanasynyń onkologtary Ashyq esik kúnin ótkizdi, dep habarlaıdy almaty-akshamy.kz
500-ge jýyq qala turǵyny onkolog keńesin aldy.
Naýqan aıasynda qaterli isikke kúdikti 52 jaǵdaı anyqtaldy.
«Naýqastar qosymsha tekserýge jiberildi. Sondaı-aq, 400-den astam aýrý qabynýy anyqtalyp, emdeý boıynsha usynys berildi», - dedi bul týraly ÓKQ-de ótken brıfıńte Almaty onkologıalyq ortalyǵy dırektorynyń orynbasary Janna Kýjaeva.
Jalpy, 2023 jyldyń qorytyndysy boıynsha Almaty qalasynda 31 866 onkologıalyq naýqas tirkelgen.
Qaterli isiktiń syrqattanýshylyq qurylymy ótken jylmen salystyrǵanda ózgerissiz qaldy:
- birinshi orynda – sút bezi obyry 14,5% (794 jaǵdaı);
- ekinshi orynda – toq ishek obyry 8,9% (489 jaǵdaı),
- úshinshi orynda – ókpe obyry 6,0% (332 jaǵdaı),
- tórtinshi orynda - qýyq asty beziniń qaterli isigi 5,2% (288 jaǵdaı).