Astanada 8-14 qyrkúıekte ótetin V Dúnıejúzilik kóshpendiler oıyndaryna Ázirbaıjan belsendi túrde qatysady.
Bul týraly Qazaqstan Respýblıkasynyń Ázirbaıjandaǵy Elshisi Álim Baıel men Ázirbaıjan Respýblıkasynyń Jastar jáne sport mınıstri Farıd Gaıbovtyń kezdesýinde aıtyldy, dep habarlaıdy Almaty-akshamy.kz
Kezdesý barysynda Álim Baıel 2024 jylǵy 8-14 qyrkúıekte Astanada ótetin V Dúnıejúzilik kóshpendiler oıyndary týraly aqparat berdi.
Dıplomat jarystarǵa álemniń ondaǵan elderiniń ókilderi qatysatynyn, oıyndar aıasynda 20 jarys jáne 10 kórmelik saıystardy ótkizý josparlanǵanyn atap ótti. Olardyń qatarynda at jarystary, ulttyq jekpe-jek túrleri, dástúrli zıatkerlik oıyndar, sadaq atý, saıatshylyq, halyq oıyndary jáne t.b. bar.
Qazaq dıplomaty osy aýqymdy sharaǵa Ázirbaıjannyń qatysýynyń mańyzdylyǵyn atap ótip, Mınıstrdi oǵan arnaıy qonaq bolýǵa shaqyrdy. Sonymen qatar, Qazaqstan Elshisi bul is-shara Túrki memleketteri uıymyna Qazaqstan tóraǵalyǵynyń aıasynda ótetinin jáne kezekti ret búkil túrki álemin biriktiretinin atap ótti. İs-shara túrki halyqtarynyń biregeı dástúrlerin nasıhattaý jáne olardy saqtaý boıynsha sharalarǵa serpin beredi.
Farıd Gaıbov Qazaqstanǵa shaqyrýdy rızashylyqpen qabyldap, Ázirbaıjannyń kezekti Dúnıejúzilik kóshpendiler oıyndaryna belsendi túrde qatysatynyn málimdedi. Suhbat barysynda F. Gaıbov Qazaqstan Elshisine Mınıstrliktiń jastar saıasaty salasyndaǵy jumysy jáne sportty damytý salasyndaǵy birqatar tabysty jobalary týraly da aqparat berdi. Mınıstr jańa sport nysandaryn salý jáne eski sport nysandaryn qalpyna keltirý jumystary júrgizilip jatqanyn atap ótti. Qazaq sportshylary da Ázirbaıjanda ótkiziletin is-sharalarǵa belsendi atsalysýda.
Kezdesý sońynda taraptar eki eldiń jastar saıasaty men sport salasyndaǵy yntymaqtastyǵynyń ári qaraıǵy perspektıvalaryn talqylady. Atap aıtqanda, ázirbaıjan tarapy Qazaqstannyń qysqy sport túrlerin, onyń ishinde hokeıdi damytýdaǵy tájirıbesine qyzyǵýshylyq tanytýda.