Dárigerler almatylyqtardy qaterli isik aýrýyn erte kezeńde anyqtaý úshin turaqty túrde skrınıngtik tekserýden ótýge shaqyrady, dep habarlaıdy almaty-akshamy.kz
Mamandar der kezinde tekserilý sátti emdel jáne tolyq jazylý múmkindigin arttyrýda sheshýshi ról atqaratynyn basa aıtady. Bul týraly ÓKQ brıfıńinde Almaty onkologıalyq ortalyǵynyń dárigerleri aıtty.
ÓKQ brıfıńinde sóılegen sózinde Ortalyqtyń onkogınekologıa bóliminiń meńgerýshisi Raıhan Bolatbekova jergilikti emhanalarda skrınıngtik baǵdarlamalar tegin júrgiziletinin atap ótti.
Dáriger turǵyndardy skrınıngtik tekserýden ótýge, sonymen qatar qaterli isik qana emes, basqa da aýrýlardy týdyratyn qaýip faktorlaryn azaıtý úshin birneshe erejeni saqtaýǵa shaqyrdy.
«Eýropalyq iri zertteýlerge sáıkes, qaterli isik aýrýynyń damý qaýpi faktorlaryn azaıtý arqyly ǵana onkologıalyq aýrýlardy azaıta alamyz. Bul, eń aldymen, durys tamaqtaný, salaýatty ómir saltyn ustaný, sportpen aınalysý jáne t.b. Halqymyzdyń densaýlyǵynyń mańyzdy jáne ajyramas bóligi - durys tamaqtaný. Sondyqtan densaýlyqty kútý mańyzdy», - deıdi maman.
Onkolog temeki shegýdiń de qaterli isiktiń damýynyń jeke jáne eń mańyzdy qaýip faktory ekenin atap ótedi. Temeki shegý tek ókpe isigin ǵana emes, basqa da qaterli isiktiń damýyn týdyrýy múmkin.
Maman skrınıngten emhanada belgili bir jas kezeńinde ótý kerek ekenin eske salady. Atap aıtqanda:
- 30-70 jastaǵy áıelder jatyr moıny obyryn erte anyqtaý úshin 4 jylda bir ret;
- 40-70 jastaǵy áıelder sút bezi obyryn erte anyqtaý úshin 2 jylda bir ret;
- 50-70 jasta jasyryn qan analızi, kolonoskopıa kómegimen toq ishektiń jáne tik ishektiń qaterli isigin jáne aldyn ala isikterin erte anyqtaý úshin 2 jylda 1 ret.