2024 jylǵy 24-30 qarasha aralyǵynda Almaty qalasynda XVII «Eýrazıa» halyqaralyq kınofestıvali ótedi.
Bıylǵy festıválge 15-ten astam el qatysady, dep habarlaıdy aqshamnews.kz.
Kınofestıvaldi QR Mádenıet jáne aqparat mınıstrligi men Sháken Aımanov atyndaǵy «Qazaqfılm» ulttyq kınostýdıasy uıymdastyrýda.
Bıylǵy konkýrs baǵdarlamasynda úsh qurlyqtan kelgen 12 fılm kórsetiledi. Qatysýshylary sanalýan, aýqymy keń festıválde usynylǵan fılmder túrli mádenıetter men kózqarastardyń baı palıtrasyn kórsetedi. Konkýrs Bangladesh pen Ońtústik Koreıadan bastap, Avstrıa men Katarǵa deıingi elderdiń týyndylaryn qamtıdy. Eýropa, Azıa jáne Taıaý Shyǵystan kelgen shyǵarmashylyq toptar ámbebap taqyryptar men jergilikti kontekstti biriktiretin jumystardy usynbaq.
2024 jyly «Eýrazıa» tek fılmder festıvali ǵana emes, kıno álemine saıahat bolmaq. İs-shara kórermender men qatysýshylarǵa umytylmas áser syılap, jańa múmkindikter ashady.
Festıvál demeýshileri: Bazis-A halyqaralyq qurylys kompanıasy, KAZ Minerals taý-ken kompanıasy, Sarens Kazakhstan, Salem Entertainment, Kinopark Theatres kınoteatrlar jelisi jáne Astana Motors.
Kınofestıvaldiń tolyq baǵdarlamasymen silteme arqyly tanysa alasyz.
Kınofestıvaldiń ótetini jaıly buǵan deıin de habarlaǵan bolatynbyz.