Patrúldeý kezinde teplovızory bar dron qoldanylady.
Tótenshe jaǵdaılar departamenti Almatyda órttiń tabıǵı oshaqtaryn erte anyqtaý úshin beınekameralardy paıdalanady, dep habarlaıdy Almaty-akshamy.kz QazAqparatqa silteme jasap.
Almaty qalalyq Tótenshe jaǵdaılar departamentiniń basshysy Rýslan Qasybaevtyń aıtýynsha, mundaı sıfrlyq ınovasıa órtti tútin jáne joǵary temperatýra boıynsha erte kezeńde anyqtaýǵa múmkindik beredi.
«Biz tabıǵı park aýmaǵynda smart-kamera dep atalatyn optıkalyq sensorlyq jáne teplovızor qondyrǵylaryn engizý máselesin pysyqtap jatyrmyz. Temperatýra kameralary arqyly beınebaqylaý jaıaý jáne áýe patrúlderine qaraǵanda tıimdi jáne arzan», - dedi spıker.
Aıta keterligi, mundaı kameralar tutaný kózderin avtomatty túrde anyqtaýǵa jáne kúshter men órt sóndirgishterdi jetkizý úshin yńǵaıly marshrýttardy qurýǵa qabiletti. «Qazavıaormanqorǵaý» Almaty qutqarýshylaryna órtti tez arada joıýǵa kómektesedi. Ystyq kezeńde kún saıyn taýly-ormandy aımaqtyń ústinen ushý júzege asyrylady. Patrúldeý kezinde teplovızory bar dron qoldanylady.
«Dron órt shyqqan jerlerdi anyqtaýǵa jáne oǵan TJD mobıldi toptaryn jiberýge múmkindik beredi. Osyndaı syn-qaterlerdiń barlyǵy joǵary qaýiptilik dárejesine ıe», - dep qosty ol.