Halyqaralyq esirtki bıznesine qarsy is-sharalar jalǵasýda.
Esirtki jáne psıhotroptyq zattardyń taralýyna qarsy is-qımyl sheńberinde Ulttyq qaýipsizdik komıteti esirtki qaýipteriniń jolyn kesý boıynsha jedel izdestirý is-sharalarynyń keshenin iske asyrýda, dep habarlaıdy Almaty-akshamy.kz.
«Aǵymdaǵy jyldyń maýsym aıynda UQK 21 esirtkige qarsy operasıa, onyń ishinde Reseı, Qyrǵyzstan jáne Ózbekstannyń arnaıy qyzmetteri men quqyq qorǵaý organdarymen birlesip júrgizdi.Esirtki trafıginiń 6 halyqaralyq jáne 12 óńirlik arnasy joıyldy. Sıntetıkalyq esirtki óndiretin 3 jasyryn zerthananyń qyzmeti beıtaraptandyryldy», - delingen UQK baspasóz qyzmetiniń habarlamasynda.
Arnaıy operasıalar barysynda esirtki qurylymynyń 31 qatysýshysy ustaldy. Zańsyz aınalymnan 120,6 kg esirtki, onyń ishinde 61,8 kg sıntetıkalyq esirtki (206 myń "bir rettik dozaǵa" balamaly), 6 kg marıhýana, 52,7 kg gashısh tárkilendi. Budan basqa, psıhotroptyq zattardy daıyndaýǵa arnalǵan 6000 ekstazı tabletkasy jáne 2 tonnadan astam hımıalyq reagentter aınalymnan shyǵaryldy.
Maýsym aıynda alynǵan esirtkiniń jalpy somasy «qara naryqta» 1,3 mlrd. teńgeden astam baǵalanady.