Almatynyń TJD 2025 jyldyń órt qaýpi joǵary kóktem-jaz maýsymyna daıarlyq barysyn baıandady, dep habarlaıdy aqshamnews.kz
Almaty qalasynyń óńirlik komýnıkasıalaq qyzmetinde aldaǵy órt shyǵý qaýpi kóp maýsymǵa daıarlyq jumystaryn pysyqtaǵan pres-konferensıa bolyp ótti. Almaty qalasynyń tótenshe jaǵdaılar departamenti ókilderiniń aqparatyna qaraǵanda, byltyr bastalǵan daıarlyq jumystary áli aıaqtala qoımaǵan.
«Orman sharýashylyǵy jáne janýarlar dúnıesi komıtetiniń qaýlysyna sáıkes, Almaty men Almaty oblysynyń orman alqabynda 26 naýryzdan bastap órt shyǵý qaýpi bar maýsym bastaldy. Qazirgi deıin qala aýmaǵynda qýraǵan, kepken ósimdikterden 120 órt shyqqany tirkelipti. Órt kóbine oqystan shyǵady, keıde qoqystaǵy byqsyǵan shalanyń ózinen da órt shyǵýy múmkin», — dep saqtandyrdy Almaty TJD-niń memlekettik órt baqylaý basqarmasynyń bastyǵy Konstantın Kanın.
İle-Alataý ulttyq parki (20 805 ga), «Medeý» tabıǵı (708,2 ga) parki men Baým toǵaıy (137,7 ga) Almatynyń aýmaǵynda tur. Sondyqtan bul aımaqtardy qalalyq qyzmetter men tabıǵatty qorǵaý qyzmetteri erekshe baqylaýǵa alyp otyr.
Departamenttiń, ákimdik pen basqa da quzyrly mekemelerdiń bastamasymen osy aýmaqtar qurǵaq, kepken ósimdikterden tazartylyp, turǵyndardy da aldaǵy masymda saq bolýǵa shaqyrdy.
«Qalaǵa deıin 39,1 shaqyrymdaı jerde alyp jatqan mıneraldanǵan jolaqtar, ashyq alańqaılar salyp jol jıegine, 35,2 ga jerdegi qýraǵan ósimdikter shaýyp tastadyq», — dedi K. Kanın.
Budan bólek, qalanyń taýly jaǵy men ormandy jerlerin qaraýyldaıtyn arnaýly jasaqtar da qurylǵan. Kún saıyn osyndaı 13 qyzmetker men 2 tehnıka jolǵa shyǵady. Kerek bop jatsa, jeke quramdaǵy 100 adam taǵy kómekke kelýge daıar tur. Mamandardyń qolynda órt sóndiretin qurylǵylar men órtti óshiretin kúrekten bastap, kerek-jaraqtyń bári bar.
Onymen birge, Almatyny órtten barynsha saqtandyrý úshin 20 órt sóndirý bólimshesi de osy jumysqa tartylǵan.
Jaǵdaıdy baqylaýda ustaý úshin aýmaqty sharlap júretin teplovızory bar drondar men daýys kúsheıtkishtermen de qamtamasyz etildi. Budan bólek, Medeý parkinde órtti der kezinde anyqtaıtyn optıkalyq-sensorly kameralarmen baqylaý jasaıtyn júıe de jumys isteıdi.
Sóziniń sońyna qaraı, TJD ókili turǵyndardy saq bolyp, taýly-ormandy jerlerde barynsha qyraǵy bolýǵa shaqyrdy.
«Qoqys tastamasa, sirińke jaqpasa, kóringen jerge otyra qalyp ot jaqpasa deımiz azamattar. Órt kez kelgen sátte lap ete qalýy múmkin. Sodyqtan barynsha saq bolý – bárimizdiń mindetimiz» , — dep aıaqtady óz sózin maman.
Órttiń aldyn alyp, saqtandyrýdy áli de jalǵastyra túspek. Qazir barlyq qyzmet qandaı jaǵdaıǵa bolsyn saqadaı saı otyr.