Almatydaǵy «Qazaqstan Respýblıkasy Memlekettik ortalyq mýzeıi» RMQK dırektory qyzmetine Rashıda Erimqyzy Harıpova taǵaıyndaldy, dep habarlaıdy Almaty-aksamy.kz QazAqparatqa silteme jasap.
Rashıda Erimqyzy 1975 jyly Atyraý oblysy Atyraý qalasynda dúnıege kelgen.
Bilimi - joǵary. H.Dosmuhamedov atyndaǵy Atyraý memlekettik ýnıversıteti (Bıologıa pániniń oqytýshysy - 2001), «Narhoz» ýnıversıteti (Memlekettik jáne jergilikti basqarý mamandyǵy boıynsha ekonomıka jáne bıznes bakalavry - 2016); H.Dosmuhamedov atyndaǵy Atyraý memlekettik ýnıversıtetin (Pedagogıkalyq ǵylymdar magıstri - 2020) támamdaǵan.
1993-1994 jj. «Jastalap» oqý-óndiristik kombınatynda is júrgizýshi; oqý-óndiristik oqytý masteri;
1994-1999 jj. - bıologıa pániniń muǵalimi;
1999-2001 jj. - kásiptik baǵdar berý jónindegi ádisker;
2001-2003 jj. - dırektordyń oqý-óndiristik isteri jónindegi orynbasary;
2003-2009 jj. - Atyraý oblysy tarıhı-ólketaný mýzeıiniń ólke tabıǵatyn ǵylymı- zertteý bóliminiń bólim meńgerýshisi;
2009-2010 jj. - mýzeı basshysynyń ǵylymı ister jónindegi orynbasary;
2010-2014 jj. - osy mýzeıdiń basshysynyń jalpy máseleler jónindegi orynbasary;
2014 jyldyń 17 maýsymynan 2022 jyldyń 14 naýryzyna deıin Atyraý oblysy tarıhı-ólketaný mýzeıiniń basshysy boldy.