2025 jyldyń basynan beri Qazaqstanda 855 myńnan astam otbasy kópbalaly jáne nagradtalǵan analarǵa arnalǵan memlekettik járdemaqy aldy, - dep habarlaıdy Aqshamnews.kz.
Jalpy tólem somasy 404,3 mlrd teńgeni qurady. Bul týraly Eńbek jáne halyqty áleýmettik qorǵaý mınıstrligi málimdedi.
Atap aıtqanda:
- Kópbalaly otbasylarǵa – 612 myń otbasy, jalpy somasy 352,2 mlrd teńge;
- Nagradtalǵan analarǵa – 243 myń adam, jalpy somasy 52,1 mlrd teńge járdemaqy aldy.
2025 jyldyń tamyz aıynda ǵana bul tólemdermen 846,8 myń otbasy qamtylyp, 49,8 mlrd teńge kóleminde qarjy tólendi.
Járdemaqy mólsheri qandaı?
Kópbalaly otbasylarǵa tabys deńgeıine qaramastan tólenedi. Bul járdemaqyny birge turatyn 4 jáne odan da kóp balasy bar (23 jasqa deıingi kúndizgi bólimde oqıtyn stýdentterdi qosa alǵanda) otbasylar ala alady.
2025 jyly tólem mólsheri bylaısha belgilendi:
- 4 balaǵa – 63 030 teńge
- 5 balaǵa – 78 798 teńge
- 6 balaǵa – 94 565 teńge
- 7 balaǵa – 110 332 teńge
- 8 jáne odan da kóp balaǵa – ár balaǵa 15 728 teńge
Nagradtalǵan analarǵa arnalǵan járdemaqy kelesi túrde tólenedi:
- «Kúmis alqa» ıegerlerine – 25 165 teńge
- «Altyn alqa», «Batyr ana» ataǵy, İ/İİ dárejeli «Ana dańqy» ordeni ıegerlerine – 29 097 teńge
Aıta keteıik, 2025 jyldyń 1 qańtarynan bastap bul járdemaqylardyń mólsheri 6,5%-ǵa artty.