Medeýdegi otpen kúres kezinde qutqarýshylardyń biri kóz jumdy.
Almaty qalasynda Medeýde tutanǵan otpen kúres kezinde órt sóndirýshi Arslan Qurmanbekov mert boldy, dep habarlaıdy Almaty-akshamy.kz TJM baspasóz qyzmetine silteme jasap.
«Keshe, 8 mamyr kúni qyzmettik boryshyn atqarý kezinde, Almaty qalasynda İle-Alataý memlekettik ulttyq tabıǵı parki aýmaǵyndaǵy taý bókterinde órt sóndirýge jumyldyrylǵan top quramynda bolǵan Almaty qalasy Tótenshe jaǵdaılar departamenti Órt sóndirý jáne apattyq-qutqarý qyzmetiniń qyzmetkeri, 7-órt sóndirý bóliminiń aǵa órt sóndirý-qutqarýshysy, azamattyq qorǵaý serjanty Qurmanbekov Arslan Joldasbekuly janyp jatqan aǵash dińgeginiń qulaýy saldarynan kóz jumdy».
Órt sóndirýshi Arslan Qurmanbekov Almaty oblysynda 1994 jyly 23 tamyzda týǵan. Azamattyq qorǵaý organdarynda 2015 jyldyń 14 jeltoqsanynan eńbek etip keldi.
«Tótenshe jaǵdaılar mınıstrligi Arslan Joldasbekulynyń týǵandary men jaqyndaryna qaıǵyra kóńil aıtady. Ony kásibı maman retinde árdaıym eske alatyn bolamyz.
Arslan jaýapty qyzmetker, joǵary kásibı jáne saýatty maman boldy. Ujymy ony ynta-jigeri, adaldyǵy jáne mamandyǵyna degen mahabbaty úshin baǵalady.
TJM qaza bolǵan órt sóndirýshiniń otbasyna jan-jaqty kómek men qoldaý kórsetetin bolady», - delingen mınıstrlik málimetinde.