Kongo halqy aza tutyp jatyr.
Nóser jańbyrdan Ońtústik Kıvý provınsıasynyń ózenderi arnasynan shyǵyp, jaǵadaǵy úılerdi shaıyp ketti.
Kongo Demokratıalyq Respýblıkasynda sý tasqyny men kóshkin saldarynan kem degende 394 adam qaza tapty, dep habarlaıdy Almaty-akshamy.kz dw.com saıtyna silteme jasap.
Mundaı aqparatty eldiń shyǵysyndaǵy eń kóp zardap shekken Kalehe okrýginiń ákimshilik qyzmetkeri Tomas Bakenga berdi.
Aptanyń sońynda jaýǵan qatty jańbyr Ońtústik Kıvý provınsıasyndaǵy ózenderdiń arnasynan shyǵyp, kem degende júzdegen úılerdiń shaıylyp ketýine sebep boldy. Elde 8 mamyrda qaza tapqandar úshin bir kúndik aza tutý jarıalandy.
Ońtústik Kıvý provınsıasynda da, kórshiles Rýanda men Ýgandada da mundaı tabıǵı qubylys sırek emes. Rýandadaǵy sońǵy sý tasqyny kem degende 127 adamnyń ómirin qıdy. Ádette sý tasqyny aımaqta jylyna eki ret keletin jańbyrly maýsymdarmen birge júredi.