Keshe, 15 tamyzda Ortalyq stadıonda órt-qutqarý sportynan uldar men jasóspirimder arasyndaǵy XIII álem chempıonatynyń jáne qyzdar men jasóspirimder arasyndaǵy IX álem chempıonatynyń saltanatty ashylý rásimi ótti.
Jarysqa qazaqstandyqtardan basqa Belarýs, Bolgarıa, Qazaqstan, Reseı, Slovakıa, Chehıa komandalary qatysty. Sonymen qatar, baqylaýshylar retinde Saýd Arabıasynyń ókilderi keldi, dep habarlaıdy aqshamnews.kz.
Saltanatty is-sharany QR Tótenshe jaǵdaılar vıse-mınıstri Erlan Nurpeıisov ashty. Chempıonattyń uıymdastyrýshylary men qatysýshylaryn quttyqtaı otyryp, ol aldaǵy is-shara joǵary deńgeıde ótetinine jáne qutqarýshy sportshylar úshin naǵyz mereke bolatynyna senim bildirdi.
Halyqaralyq órt sóndirýshiler men qutqarýshylar sport federasıasynyń prezıdenti Aleksandr Chýprıan, Halyqaralyq órt sóndirýshiler men qutqarýshylar sport federasıasynyń Atqarýshy komıtetiniń dırektory Andreı Kalının, sondaı aq jarystyń bas tóreshisi Sergeı Bakırov quttyqtaý sózderin sóıledi.
Atap ótý qajet, elimizde jasóspirimder arasyndaǵy álem chempıonaty alǵash ret ótkizilýde.
Álem chempıonatynyń ekinshi jarys kúninde komandalar kedergileri bar jolaqtyń 100 metrin eńserip saıysqa túsedi.
Kelesi kúnderi Úshinshisi - 4h100 metrlik órt sóndirý estafetasy.
Tórtinshisi - órt sóndirý motopompasynan jaýyngerlik qanat jaıý boıynsha saıystar ótedi.
Qazaqstanda atalǵan sanattaǵy sporttyq is-shara úshinshi ret ótýde. 2014 jyly álem birinshiligi alǵash ret Almaty qalasynda jáne 2021 jyly Qaraǵandy qalasynda ótken. Aıta keteıik, elimizde uldar men qyzdar, jasóspirimder arasyndaǵy Álem chempıonattary alǵash ret ótkizilýde.
Órt-qutqarý sporty boıynsha álem chempıonattaryn ótkizý ártúrli elderdiń azamattyq qorǵaý organdary salasyndaǵy dostyq baılanystar men yntymaqtastyqty nyǵaıtýǵa baǵyttalǵan.