Astanada AÓSSHK eriktiler qozǵalysy kóshbasshylarynyń sletine belsendi daıyndalýda.
Ol aǵymdaǵy jyldyń qazan aıynda AÓSSHK-niń VI samıti barysynda aıtylǵan Prezıdenttiń bastamasymen ótedi, dep habarlaıdy aqshamnews.kz Mádenıet jáne aqparat mınıstrligine silteme jasap.
Osyǵan baılanysty Mádenıet jáne aqparat vıse-mınıstri Aızada Qurmanovanyń, AÓSSHK Bas hatshysynyń orynbasary Chjan Lıannyń, Syrtqy ister mınıstrligi jáne Astana ákimdigi ókilderiniń qatysýymen uıymdastyrý komıtetiniń otyrysy ótti. Kezdesýde aldaǵy slet baǵdarlamasy, qatysýshylardyń logıstıkasy, uıymdastyrýshylyq-tehnıkalyq sátter men qaýipsizdik máseleleri talqylandy.
AÓSSHK eriktiler sleti 3-4 qazanda Astanada ótetinin esterińizge salaı keteıik. Azıanyń 27 elinen 400 belsendi qatysady. Olar úshin taqyryptyq paneldik sesıalar, bilim berý jáne mádenı is-sharalar uıymdastyrylady.
Slettiń maqsaty - turaqty damý maqsattaryn iske asyrýdaǵy volonterliktiń rólin belgileý jáne Azıa elderindegi mádenıetaralyq dıalogyn nyǵaıtý. Sondaı-aq kezdesý mańyzdy áleýmettik máselelerdi talqylaýǵa arnalǵan alań bolady.
Sonymen qatar slet sheńberinde AÓSSHK Jastar keńesiniń VIİ otyrysy josparlanǵan, onyń qorytyndysy boıynsha volonterlikti damytý boıynsha birlesken usynymdar qabyldanatyn bolady.