Altynshy ret ótken dástúrli shara Seleznev atyndaǵy horeografıalyq ýchılıshesiniń 90 jyldyǵyna arnaldy.
Úsh kúndik festıvalda jas balet bıshileri óner kórsetip, mamandar kásibı ónerdi damytý boıynsha shyǵarmashylyq tájirıbe almasady. Almaty teatrynyń sahnasynda kásibı bı ujymdary men balet ártisteri óner kórsetti, dep habarlaıdy Almaty-akshamy.kz 24.kz-ke silteme jasap.
Bıyl «Órleý» festıvaline Qazaqstan, Ózbekstan, Qyrǵyzstan, Túrkıa, Reseı elderiniń 8 horeografıalyq oqý ornynyń jas talanttary qatysýda. Sonymen qatar, bı forýmyna halyqaralyq deńgeıdegi jetekshi balet ártisteri keldi.
«Biz úshin bul baǵa jetpes tájirıbe. Bul búkil profesorlyq-oqytýshylyq quramǵa horeografıalyq bilim berý salasyndaǵy jumysty jandandyrýǵa, bitirýshi stýdentterimizdiń kásibı deńgeıin kóterýge jańa serpin beredi», - deıdi A.Seleznóv atyndaǵy Almaty horeografıalyq ýchılıshesi dırektorynyń mindetin atqarýshy Murat Túkeev.
Festıváldiń birinshi kúni 90 jyldyq tarıhy bar Qazaqstannyń tuńǵysh balet mektebiniń stýdentteri esep berý konsertin qoıdy. Kórermenderge bir aktili tolyqmetrajdy eki balet usynyldy.
«Festıvál qonaqtary «Turan dala - qyran dala» jáne «Bolero» baletin tamashalady. Bizdiń shákirtterimiz elimizdiń sahnalarynda ǵana emes, sheteldiń teatrlarynda óner kórsetip júr. Halyqaralyq konkýrstarda júldeli oryndardan kórinýde. Bul Qazaqstandaǵy kásibı horeografıanyń kórinisi, bilikti ustazdardyń eńbegi», - deıdi A.Seleznóv atyndaǵy Almaty horeografıalyq ýchılıshesi dırektorynyń mindetin atqarýshy Murat Túkeev.
90 jyldyq tarıhy bar Seleznev mektebinen búginge deıin 2 myńnan astam túlek ónerge joldama aldy. Olardyń qatarynda Halyq ártisteri, eńbek sińirgen óner qaıratkerleri bar. Halyqaralyq balet jáne bı baıqaýlarynyń laýreattary da osy ustahanada shyńdaldy. Solardyń biri Krasnoıarsk memlekettik oprea jáne balet teatyrynyń prıma balerınasy Natalá Chehovskaıa Seleznev ýchılıshesiniń túlegi.
«Mektep maǵan óte jaqsy ómirlik joldama berdi. Men bul úshin óte rızamyn jáne mektebimdi árqashan maqtan tutamyn. Óner mektebiniń balet áleminde óz orny bar. Halyqaralyq jarystarda ózim túlep ushqan mektebimniń jetistikterin kórip, qýanamyn. Munda kásibı mamandar bar, bı dástúri saqtalǵan. Bul óte mańyzdy», - deıdi A.Seleznev atyndaǵy Almaty horeografıalyq ýchılıshesiniń túlegi Natalá Chehovskaıa.
«Órleý» halyqaralyq festıvaliniń ekinshi kúni balet óneri juldyzdarynyń sheberlik sabaǵyna arnaldy. Al óner merekesin festıvál qonaqtary men Qazaqstannyń jetekshi bı ujymdarynyń qatysýymen ótetin «Balet juldyzdary» gala-konserti qorytyndylaıdy.