Jyl saıyn almatylyq mektep oqýshylarynyń sany ortasha eseppen 12-14 myńǵa deıin kóbeıip keledi
Bul kórsetkish demografıa men ishki mıgrasıa esebinen ósip otyr. Mektepterdiń qurylysy jaıly aqparatpen Óńirlik komýnıkasıalar qyzmetiniń brıfıńinde Almaty qalasy ákiminiń orynbasary Ásem Núsipova bólisti, dep habarlaıdy Almaty-akshamy.kz.
Almatyda barlyǵy 320 453 oqýshy oqıtyn 310 mektep bar (292 099 oqýshysy bar 212 memlekettik mektep jáne 28 354 oqýshysy bar 98 jekemenshik mektep). Soǵan qaramastan, oqýshy oryndarynyń tapshylyǵy máselesi saqtalýda, ol búgingi kúni 19 120 oryndy quraıdy.
2022 jyly mektepterde oqýshylar ornynyń tapshylyǵyn azaıtý úshin mynalar engizildi:
- 8100 oryndy qamtıtyn 5 memlekettik mektep;
Anyqtama úshin: (1800 oryn "Qalqaman" yqshamaýdanyndaǵy №206, 1800 oryn "Saıaly" shaǵynaýdanyndaǵy №204, 1500 oryn "Tomırıs" shaǵynaýdanyndaǵy №205, 1500 oryn "Qalqaman" shaǵynaýdanyndaǵy №208, 1500 oryn «Nurkent» shaǵyn aýdanyndaǵy №209);
- «Mádenıet» shaǵynaýdanynda úsh aýysymdaǵy №196 mekteptiń ornyna 1500 oryndy qamtıtyn jańa mektep salyndy;
- 2393 oryndy qamtıtyn 6 jekemenshik mektep;
Anyqtama úshin: (Bostandyq aýdanynda – 599 oryndyq "Zaman" mektebi, 384 oryndyq «JOO High School Almaty» mektebi, 540 oryndyq "Almaty School of Physics and Mathematics" mektebi, Túrksib aýdanynda – 420 oryndyq «Millennium» mektebi, Naýryzbaı aýdanynda – 200 oryndyq AiDi Education mektebi, 250 oryndyq «Zhiger S» mektebi);
- 900 oryndyq qoldanystaǵy úsh mektepti keńeıtý (300 oryndyq №191, 300 oryndyq 146, 300 oryndyq 125);
- 600 oryndyq bir ǵımarat satyp alý («Ádilet» koleji, Gagarın kóshesi, 135A).
Osylaısha, 13 493 oqýshy ornyna arnalǵan 16 nysan engizildi.
Sonymen qatar, jeltoqsan aıynyń sońynda «Darhan» shaǵynaýdanynda 1500 oryndyq №210 jáne «Alma sıtı» shaǵynaýdanyndaǵy 1200 oryndyq №207 jańa mektep paıdalanýǵa beriledi.
Oryn tapshylyǵy máselesin sheshý úshin Memleket basshysy «Jaıly mektep» Ulttyq jobasyn júzege asyrý jáne 2030 jylǵa qaraı bir aýysymdyq oqytýǵa kóshý jóninde tapsyrmalar berdi.
«Ulttyq joba aıasynda 2023 jyldan bastap respýblıkalyq búdjet esebinen 37 100 oryndy qamtıtyn 22 mekteptiń qurylysyn bastaý josparlanýda. Bul rette jergilikti búdjet esebinen jalpy somasy 11 mlrd. teńgege jer telimderin satyp alý jáne olardy ınfraqurylymǵa qosý máseleleri sheshiletin bolady», - dedi Á.Núsipova.
Sonymen qatar, ákimdik «1000 mektep» jobasyn júzege asyrýdy jalǵastyrady, onyń aıasynda 2023-2025 jyldar aralyǵynda 19 905 orynǵa arnalǵan 36 bilim berý nysany (3 memlekettik mektep, 7 qosymsha qurylys, 19 jekemenshik mektep) paıdalanýǵa beriledi. Osylaısha, 2026 jylǵa qaraı oqýshylar oryndarynyń tapshylyǵy tabıǵı deńgeıge deıin qysqarady (2000 – 3500 oryn).