Almatyda 2023 jyldan bastap 7,7 myń oqýshy úshin «Mektep avtobýsy» jobasy bastalady
Bul týraly Almaty qalasy ákiminiń orynbasary Ásem Núsipova Óńirlik komýnıkasıalar qyzmeti alańynda aıtty, dep habarlaıdy Almaty-akshamy.kz.
Onyń aıtýynsha, turǵyndardy tolǵandyratyn máselelerdiń biri – kólikterdiń kóptigi.
«Osyǵan baılanysty jáne Almatyda oqýshylardy tasymaldaýdyń jaılylyǵy men qaýipsizdigin arttyrý maqsatynda 2023 jyldan bastap qalanyń segiz aýdanyndaǵy 29 mektepte 7,7 myń balaǵa arnalǵan «Mektep avtobýsy» jobasy bastalady», - dep habarlady ol.
Sonymen qatar, balalardyń ál-aýqaty men qaýipsizdigi mańyzdy basymdyq bolyp tabylady. Ata-analar balalarynyń qaýipsiz mektepterde ekenine senimdi bolýy kerek.
«Keler jyldan bastap mektepterde keshendi qaýipsizdik júıesi engizilip, «panıka túımeleri», ótý júıesi (týrnıketter), órt qaýipsizdigi júıesi, polısıanyń jedel basqarý ortalyqtarymen biriktirilgen beınebaqylaý kameralary ornatylady. Biz bul jobany úsh jyldyq servıstik úlgi boıynsha qarjylandyrýdy josparlap otyrmyz, jalpy qarjylandyrý kólemi - 4,9 mlrd. teńge. 2023 jylǵa arnalǵan búdjet jobasynda osy maqsattarǵa 1,6 mlrd. tenge bólindi», - dep tolyqtyrdy Á.Núsipova.
Zamanaýı ınfraqurylymdy jaqsartý arqyly 2025 jylǵa deıin barlyq memlekettik mektepter fızıka, hımıa, bıologıa, ınformatıka jáne robototehnıkanyń jańa býynynyń pándik kabınetterimen qamtamasyz etiledi. Tek 2023 jyldyń ózinde jańa modıfıkasıadaǵy 168 shkaf satyp alynady, bul maqsatqa jergilikti qordan 2,1 mlrd. teńge bólindi.