Bıylǵy oqý jylynda Almatynyń memlekettik mektepteriniń barlyq bastaýysh synyp oqýshylary tegin tamaqpen qamtamasyz etildi
Oqýshylardyń jalpy sanynyń 45%-ǵa jýyǵy nemese 133 myń bala mektepterde tegin tamaqtanady. Bul týraly ÓKQ brıfıńinde Almaty ákiminiń orynbasary Ásem Núsipova aıtty. Bul maqsattarǵa jyl sońyna deıin jergilikti búdjetten 5,3 mıllıard teńge bólindi, dep habarlaıdy Almaty-akshamy.kz.
«Kelesi jyly azyq-túlik qunyn 560 teńgeden 800 teńgege deıin kóterdik, 2023 jyldyń búdjetinde bul úshin 18 mıllıard teńgeden astam qarjy qarastyryldy. Oqýshylardy utymdy teńgerimdi tegin tamaqpen qamtamasyz etý úshin maýsymdyq jáne jas erekshelikterin eskere otyryp, qalanyń barlyq mektepteri úshin ortalyqtandyrylǵan 4 aptalyq as máziri bekitilgen», - dep habarlady Á.Núsipova.