Iadrolyq medısına ortalyǵy eń zamanaýı qurylǵylarmen jabdyqtalǵan
Atalǵan konferensıa aımaqtyq medısınalyq uıymdardyń ókilderi úshin uıymdastyryldy, dep habarlaıdy Almaty-akshamy.kz.
2021 jyldyń jeltoqsan aıynda Almatyda ashylǵan «MIG Qazaqstan» ıadrolyq medısına ortalyǵy-onkologıalyq aýrýlardy erte dıagnostıkalaýǵa arnalǵan Qazaqstandaǵy alǵashqy ınovasıalyq medısınalyq mekeme. Ortalyqta zertteýler tegin júrgiziledi jáne kepildendirilgen medısınalyq kómek kólemi aıasynda qazaqstandyqtarǵa qoljetimdi. Ortalyq dárigerleri jylyna 7 myńǵa deıin pasıentti qabyldaı alady. Mundaı ortalyqtardy Qazaqstannyń taǵy úsh óńirinde – Qaraǵandy, Oral jáne Shymkentte ashý josparlanýda.
Iadrolyq medısına ortalyǵy eń zamanaýı qurylǵylarmen jabdyqtalǵan. “Biograph Horizon” joǵary tehnologıalyq PET-skaneri pozıtrondy-emıssıalyq jáne kompúterlik tomografıa múmkindikterin úılestiredi jáne aýrýdyń eń kishkentaı oshaqtaryn anyqtaýǵa, sondaı-aq isikterdiń ornalasýy men shekaralary týraly naqty derektermen úsh ólshemdi keskin alýǵa múmkindik beredi. Mundaı zertteýler isikterdiń qurylymy men fýnksıonaldyq erekshelikterin molekýlalyq deńgeıde baǵalaýǵa kómektesedi.Atalmysh konferensıa aımaqtyq medısınalyq uıymdardyń ókilderi úshin uıymdastyryldy. Onkologtar ortalyqtyń qyzmetimen tanysyp, osy baǵyttaǵy jetekshi mamandarmen suqbattasty. Forým jumysyna "Pedıatrıa jáne balalar hırýrgıasy ǵylymı ortalyǵy" AQ Basqarma Tóraıymy Rıza Zulqarnaıqyzy Boranbaeva, "QazORǴZI" Basqarma Tóraǵasynyń ǵylymı - strategıalyq jumys jónindegi orynbasary Záýre Dmıtrıevna Dýshımova, bas balalar onkogematology, "Almaly" holdıńi Bas dırektorynyń birinshi orynbasary Olga Sergeevna Shýmaı, "NeoTekFarm" JSHS dırektory Iaroslavna Mıhaılovna Býdach qatysty.
Talqylaý barysynda balalar men eresekter onkologıasynyń erte dıagnostıkasy, ǵylymı jetistikter, ınovasıalyq tehnologıalar, klınıkalyq zertteýlerdiń halyqaralyq ádisteri jáne osy salalarda tájirıbe almasý máseleleri qozǵaldy.
Qazaqstandyq mamandar ózderiniń reseılik áriptesteriniń zamanaýı erte dıagnostıkalaý ádisteri týraly pikirimen tanysty. Olardyń ishinde – "MedInvestGrýpp" KT dırektory Kýzmın Alekseı Aleksandrovıch, medısınalyq bilim berý ınstıtýtynyń ıadrolyq medısına jáne radıasıalyq tehnologıalar kafedrasynyń meńgerýshisi Ryjkova Dará Vıktorovna, . V. A. Almazova, "MedInvestGrýpp" KT sarapshysy Shakleına Olga Nıkolaevna bar.