Qoǵamdyq keńes ulttyq múddeni qorǵaýy tıis
Almaty oblysynda qoǵamdyq keńestiń úshinshi shaqyrylymy bastaldy. Alty jylda bılik pen halyq arasynda altyn kópir bolýdy kózdegen keńes bıyl uıym múshelerin de ózgertti, jumys baǵytyn taǵy bir aıqyndap aldy. Bul týraly Almaty-akshamy.kz Jetisý medıa aqparat alańyna silteme jasap habarlady.
Jumys toby jańa qoǵamdyq keńesti jasaqtaýda azamattyq qoǵam ókilderiniń sanyn arttyrýǵa basa nazar aýdardy. Bıyl keńestiń 81,1% jańartyldy, al, qalǵany múshelikke ózderin qaıta usynǵan.
Jańa quramnyń qatarynda múgedektigine qaramastan ońaltý ortalyǵyn ashyp, júzdegen múmkindigi shekteýli janǵa kómek qolyn sozǵan Eldos Baıalyshbaev, talaı otbasyny baspanaly etken Almaty oblysy boıynsha «Haraket» qaıyrymdylyq qorynyń jetekshisi Amangeldi Tolamysov ta bar.
"Qoǵamdyq keńeskei uzaq ýaqyt qoǵamdyq mańyzy bar máselelerdi turaqty kóterip júrgen belsendiler, naqty bir sala boıynsha shuǵyldanyp júrgen kásibı mamandar keńeske kirdi. Olar qoǵamnyń barlyq salasynan iriktelip alyndy", - dep atap ótti «Tamshybulaq» qoǵamdyq birlestiginiń basshysy Janat Týlemısova.
Osydan alty jyl buryn El prezıdenti men qoǵam senip artyp, óz jumysyn bastaǵan qoǵamdyq keńes qyzmetin kúsheıte túspek. Aldymen, qoǵamdaǵy túrli pikirlerdi eskere otyryp, zalyqty ózekti ózekti máselelerine nazar aýdarylmaq. Sonymen qatar, keńes jumysy baǵytqa bólinip, Elimizdiń áleýmettik-ekonomıkalyq damýyna qatysty paıdaly bastamalar engizilmek.