Depýtat V.I. Tohtasýnovtyń ókilettigin merziminen buryn toqtatý týraly usynym Qazaqstan Respýblıkasy Parlamentiniń Májilisine engizildi
2022 jylǵy 12 naýryzda Nurlan Ábdirovtiń tóraǵalyǵymen beınekonferensıa baılanysy rejımi arqyly Qazaqstan Respýblıkasy Ortalyq saılaý komısıasynyń otyrysy ótti, dep habarlaıdy Almaty-akshamy.kz OSK-nyń baspasóz qyzmetine silteme jasap.
Ortsaılaýkom Tóraǵasy Nurlan Ábdirov, sondaı-aq OSK músheleri Sábıla Mustafına jáne Shavhat Ótemisov otyrysqa Aqmola oblysyndaǵy is-sapar barysynda qatysty.
«Otyrysta Ortsaılaýkom músheleri «Qazaqstan Respýblıkasy Parlamenti Májilisiniń depýtaty Vladımır Imtahýnovıch Tohtasýnovtyń ókilettigin toqtatýǵa ákeletin negizdiń týyndaǵany týraly» qaýly qabyldady»,-delingen habarlamada.
Konstıtýsıanyń 52-babyna, «Qazaqstan Respýblıkasynyń Parlamenti jáne onyń depýtattarynyń mártebesi týraly» Konstıtýsıalyq Zańnyń 24-baby 3 jáne 8-tarmaqtaryna sáıkes Ortalyq saılaý komısıasy Parlament Májilisiniń depýtaty V.I. Tohtasýnovtyń ótinish berýine baılanysty onyń ókilettigin merziminen buryn toqtatýǵa ákeletin negiz týyndady dep qaýly etti.
Depýtat V.I. Tohtasýnovtyń ókilettigin merziminen buryn toqtatý týraly usynym Qazaqstan Respýblıkasy Parlamentiniń Májilisine engizildi.