Almatyda balalardy táýlik boıy 8 medısınalyq uıymy ońaltýdan ótkizedi. 2 kezeńdi ońaltý - neırohırýrgıalyq, nevrologıalyq, kardıologıalyq jáne travmatologıalyq beıinder boıynsha №2 qalalyq balalar klınıkalyq aýrýhanasynyń bazasynda, sonymen qatar, eki baǵyt: neırohırýrgıalyq jáne travmatologıalyq baǵyttar boıynsha júrgiziledi. 3 kezeńdi ońaltý bes memlekettik balalardy ońaltý ortalyǵynda jáne bir jekemenshik ortalyqta júrgiziledi, dep habarlaıdy almaty-akshamy.kz
Minekeı, osylaısha, balalardy erte ońaltý ortalyǵy nevrologıalyq patologıasy bar 3 jastan 7 jasqa deıingi balalardy qabyldaıdy; tynys alý organdarynyń aýrýlary bar (demikpe, bronhıt, pnevmonıamen aýyrǵan) sol jastaǵy balalardy «Alaý» ońaltý ortalyǵy qabyldaıdy; al tynys alý organdary men júıke júıesiniń aýrýlary bar 8 jastan 14 jasqa deıingi balalar «Baldáýren» ortalyǵynda balalardy ońaltýdan ótedi. Qalalyq balalardy ońaltý ortalyǵy 3 jastan 14 jasqa deıingi balalarǵa serebraldy sal aýrýy, parez, sal aýrýy, sonymen qatar, mı men julyn jaraqatynan nemese ınsýlttan keıingi jaǵdaıda (aýtıst balalar, Daýn aýrýy jáne t.b.) psıhonevrologıalyq kómek kórsetedi. 1 jastan 14 jasqa deıingi balalarǵa ftızıopýlmonologıa balalardy ońaltý ortalyǵynda týberkýlezge qarsy jáne pýlmonologıalyq emdeý júrgiziledi.
Nevrologıalyq baǵyt boıynsha balalar jeke ońaltý ortalyǵynda da ońaltýdan óte alady. Medısınalyq qarsy kórsetilim bolsa da, bolmasa da, qala emhanalarynyń ýchaskelik dárigerleri balalardy emdeýge jiberiledi. Kórsetilim bolǵan jáne qarsy kórsetilim bolmaǵan kezde balalardy emdeýge E-Gov elektrondyq úkimet portaly arqyly qala emhanalarynan ýchaskelik dárigerler joldanady.
«2023 jyldyń birinshi jartyjyldyǵynda Almatyda táýlik boıy ońaltý ortalyqtary men stasıonarlarda 5 626 bala ońaltýdan ótedi, onyń 606-y múmkindigi shekteýli. Budan basqa, memlekettik tapsyrys aıasynda balalarǵa ońaltý kómegi qala emhanalarynda da kórsetiledi. Ambýlatorıalyq deńgeıde jáne kúndizgi stasıonarlarda 4 131 bala ońaltýdan ótti», - dedi shtattan tys bas balalar reabılıtology Elvıra Root.
Balalarmen kópsalaly top jumys isteıdi, oǵan quramynda reabılıtolog, jattyǵý terapıasynyń nusqaýshysy nemese kınezıterapıa mamany, kásibı terapevt, massaj terapevti, psıholog, psıhoterapevt, logoped jáne t.b. ártúrli mamandar bar. Ár balaǵa jeke ońaltý jospary jasalady. Buǵan qosa, beıimdelgen baǵdarlama boıynsha mektepke deıingi jáne mektep jasyndaǵy balalardyń tanym keńeıtý, este saqtaý men oılaýdy damytý, sonymen birge adamgershilik tárbıe berý maqsatynda sabaqtar toppen ótkiziledi. Bul jaǵdaıda balalardaǵy psıho-pedagogıkalyq patologıalar eskeriledi.
Sonymen birge, múmkindigi shekteýli balalardyń ata-analarynyń nemese resmı ókilderiniń ortaq jaýapkershiligin damytý úshin medısına qyzmetkerleri turaqty negizde trenıńter, semınarlar ótkizedi. Ári ata-analarmen birge balalardy ońaltý jattyǵýlaryn úıretý sabaqtary únemi ótkizilip turady, osylaısha olar úıde de sabaqtaryn jalǵastyra alady. Balalardyń qasynda únemi júretin jandar da barlyq mamandyqty úırenedi. Al ata-analarǵa trenıńti psıhologtar ótkizedi.