Bul týraly QR Energetıka mınıstrligi málim etti.
Júrgizilgen zertteýlerdiń qorytyndysy boıynsha atom elektr stansıasy qurylysynyń eń qolaıly aýdany retinde Almaty oblysy Jambyl aýdany Úlken aýylynyń aýmaǵy tańdaldy, dep habarlaıdy Almaty-akshamy.kz
Memleket basshysynyń Qazaqstanda atom energetıkasyn damytý múmkindigin zerdeleý jónindegi tapsyrmasyn oryndaý maqsatynda reaktorlyq tehnologıalardy tańdaý boıynsha buryn júrgizilgen zertteýlerdi ózektendirý, atom elektr stansıasynyń qýaty men qurylys aýdanyn anyqtaý boıynsha jumystar júrgizildi.
Eldegi alǵashqy atom elektr stansıasy úshin uqsas stansıany salý jáne sátti paıdalaný tájirıbesinde tekserilgen tehnologıany tańdaý usynylady. Osyǵan baılanysty ıadrolyq tehnologıalardyń mynadaı áleýetti jetkizýshilerinen turatyn "short-tizim" jasaldy:
HPR-1000 qytaılyq CNNC kompanıasy;
APR-1400 reaktory bar koreı KHNP kompanıasy;
VVER-1200 jáne VVER-1000 reaktorlary bar Reseı Rosatom kompanıasy;
EPR-1200 reaktory bar fransýz EDF kompanıasy.
Zertteý nátıjeleri 2022 jylǵy mamyrda atom salasyn damytý jónindegi vedomstvoaralyq komısıanyń otyrysynda qaraldy jáne maquldandy.
"Atom energıasyn paıdalaný týraly" Qazaqstan Respýblıkasy Zańynyń 12-babyna sáıkesádrolyq qondyrǵylardy salý jáne salý aýdany týraly sheshimdi aýmaǵynda qondyrǵy salý josparlanyp otyrǵan jergilikti ókildi organdardyń kelisimimen Qazaqstan Respýblıkasynyń Úkimeti qabyldaıdy. Bul rette máslıhat jergilikti ókildi organ bolyp tabylady.
Osyǵan baılanysty, 2022 jylǵy qarashada Almaty oblysy máslıhatynyń kezekti sesıasynda aýdan turǵyndaryn qoldaý shartymen qurylysqa kelisim berý týraly sheshim qabyldandy.