Janjaldyń neden shyqqany ázirge belgisiz.
Almatyda «olıgarhtardyń balalary» arasyndaǵy tóbeleske qatysty tergeý bastaldy. Bul týraly Almaty qalalyq polısıa departamentiniń baspasóz qyzmeti málimdedi, dep habarlaıdy Almaty-akshamy.kz Almaty.tv-ge silteme jasap.
Buǵan deıin aqsúıek otbasynan shyqqan eki adamnyń bir-birimen judyryqtasyp jatqan vıdeosy áleýmettik jelige jarıalanyp, kóptiń talqysyna túsken edi. Oqıǵa Almatydaǵy karaoke-barlardyń birinde bolǵan. Janjaldyń neden shyqqany ázirge belgisiz. Qazir olarǵa tóbelesken kezde alǵan jaraqaty boıynsha sot-medısınalyq saraptama taǵaıyndalǵan.
«Atalmysh derek Qylmystyq kodekstiń 293-baby 2-tarmaǵy boıynsha tirkelip, qazirgi tańda Almaty qalalyq polısıa departamentiniń tergeý basqarmasynyń óndirisinde. Janjalǵa qatysqan barlyq tulǵalar anyqtalyp, suraq-jaýap alý prosedýrasynan ótip jatyr», – dedi Almaty qalalyq polısıa departamentiniń resmı ókili Saltanat Ázirbek.